+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Almaty oblysynda eki ǵasyrdan astam ýaqyt eńbek sińirgen energetıkter áýleti turady

2020 jylǵy 4 jeltoqsan 22:11
Bólisińiz:
Almaty oblysynda eki ǵasyrdan astam ýaqyt eńbek sińirgen energetıkter áýleti turady

ALMATY. QazAqparat – Temirbekovtar áýleti eki ǵasyrdan astam ýaqyt boıy Almaty oblysynyń energetıka salasynda úzdiksiz eńbek etip keledi. Áýlettiń búgingi urpaqtary da osy salaǵa mamandanyp jatqanyn eskersek, ıgi dástúr áli de uzaq jyldar boıyn jalǵasyn tabady dep paıymdaýǵa bolady.

Uqsas jańalyqtar
Saıası reformalar Qazaqstanda evolıýtsııalyq jolmen damyp keledi - tarıhshy Elordada jańa Qaýly: Demalys kúnderi oıyn-saýyq ortalyqtary istemeıdi Almatyda Máslıhat depýtattaryna qujat pen tósbelgiler tapsyryldy

Eńbek dınastııasynyń beldi ókili Darhan Temirbekov QazAqparat tilshisine 200 jyl boıy atadan balaǵa mura bolyp kele jatqan kásiptiń qyr-syry týraly aıtyp berdi.

Darhan Temirbekov 1984 jyly Raıymbek aýdany, Tekes aýylynda týǵan. 2001 jyly mektep bitirgen soń 2002 jyly Qazaq Ulttyq agrarlyq ýnıversıtetiniń elektrlendirý jáne avtomattandyrý fakýltetine oqýǵa túsken. 5 jyl boıy joǵary bilim alǵan soń, 2007 jyly týǵan aýylyna oralǵan.

«Bala kezimnen ákemniń qasynda kóp júretinmin. Tehnıkaǵa, elektr salasyna jaqyn bolyp óstim. Elektrmen baılanysty jumystardyń birazyn mektepte oqyp júrgende-aq meńgerdim. Ákem úırengeniń ózińe jaqsy dep udaıy aıtyp otyratyn. Soǵan qaraı men de eńbekke erte aralastym. Ákemniń kásibine degen qyzyǵýshylyǵym da erte oıandy. 2007 jyly 1 qazanda Raıymbek aýdany elektr taratý torabyna óndiristik tehnıkalyq top ınjeneri bolyp keldim. Sodan beri sol mekemede jumys istep kelemin. 2012 jyly Tekes aýylyna aýystym. Qazir Tekes bólimshesiniń sheberimin», - dedi ol.

Temirbekovtar dınastııasynyń energetıka salasyna jalpy eńbek ótili 200 jyldan asady.

Keńes dáýirinde bul salaǵa Temirbek qarııanyń úlken uly Rysbek Rahmetjanov 1965 jyly eń alǵash ret RES qalyptasqanda birinshi kelgen mamandardyń biri. Keıinirek, naqtyraq aıtqanda 1970 jyldary Esik qalasyndaǵy bólimshege aýysqan. Sol jerde uzyq jyldar qyzmet etip, tehnıkalyq qaýipsizdik jónindegi bastyǵy laýazymyna deıin kóterilgen. Sol kisiniń artynan osy salaǵa eki baýyry Dáýletbek Rahmetjanov pen Álıasqar Temirbekov te kelgen.

Dáýletbek Rahmetjanov osy salada 1970 jyldan 2008 jylǵa deıin eńbek etip, bilikti mamanǵa aınalǵan.

Qazir Rysbek Temirbekov pen Daýletbek marqumnyń qyzmetin artyndaǵy urpaǵy jalǵastyryp keledi. Ermek Rahmetjanov qazir Esik qalasynda podstansa basshysy. Onyń uly da jaqynda energetıka salasy boıynsha kolledj bitirdi. Qazir áserı boryshyn ótep jatyr. Kelgen soń ata kásibine kirisetini anyq.

Rysbektiń ekinshi uly Erkin Rahmetjanov ta elektr energııasy salasynda qyzmet etip júr.

Al Dáýletbektiń uly Baýyrjan Rahmetjanov qazir jekemenshik kompanııada elektrık bolyp qyzmet etedi.

Sonymen qatar, Temirbekovtar otbasynyń kelini, Ermek Rahmetjanovtyń anasy Sholpan Álıeva da energetıka salasynda eńbektenip, zeınetke shyqqan.

Al Darhannyń ákesi - Álıasqar Temirbekov energetıka salasynda tabany kúrekteı 46 jyl eńbek etken.

«Meniń ákem 1970 jyldardan bastap 2016 jylǵa deıin 46 jyl jumys istedi. Ol jyldary elektr energııasyn alatyn qýat tapshy. Dızelden elektr energııasyn alatyn. Eń alǵash ret ákem dızelshi bolyp kirgen. Sosyn elektromonter, odan keıin men sııaqty sheber boldy. Odan keıin - kezekshi ınjener, ary qaraı aǵa ınjener boldy. 1997 jyldan bastap podstansada kezekshi monter bolyp qyzmet etti. Qazir zeınetker, ardager energetık», - dedi Darhan Temirbekov.

Ár kásiptiń óz qıyndyǵy men qaýpi bar ekeni ras. Al elektrıkter ómirinde saperler sııaqty 2-aq ret qatelese alady deıdi keıipkerimiz.

«Birinshisi mamandyqty tańdaǵan kezde qatelesýińiz múmkin. Ekinshisi adam ómirimen baılanysty. Ondaıǵa jol bermeýge tyrysamyz. Bizdiń jumysta barynsha muqııat bolý kerek. Qazir men úshin qaraýymdaǵy 10 shaqty adamym tańnan keshke deıin jumysyn istep, aman-esen úıine qaıtqany kúndelikti qýanysh. Men qazir Tekes bólimshesiniń sheberimin. Qaraýymda 7 aýyl bar. Tekes, Sarybastaý, Qaqpaq, Qaınar, Tegistik, Kóksaı, ary qaraı qazaq-qytaı shekarasyndaǵy zastavalar bar. Osy aýyl aımaqtardyń elektr energııasymen úzdiksiz qamtylýyn qadaǵalaımyz», - dedi ol.

Temirbekovtar áýleti bastary qosyla qalsa da elektr energııasy jaıly sóz etedi.

«Bizdiń kóz ashqaly beri kórgenimiz – osy sala. Qıyndyǵy da joq emes. Ásirese shekarada ornalasqan zastavalarǵa qys kezinde barǵanda keıde kóliktiń dóńgelegi jarylady, keıde benzın bitip qalady. Sol kezde orman aralap, ombylap tún ishinde qasqyr qaıdan shyǵar eken dep eleńdep júrgen kezder boldy», - dedi Darhan Temirbekov.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT