Almaty oblysynda brakonerler memleketke 9 mln teńgeden asa zalal keltirgen
2021 jylǵy 25 qarasha 17:41

Almaty oblysynda brakonerler memleketke 9 mln teńgeden asa zalal keltirgen

TALDYQORǴAN. QazAqparat - Almaty oblysynyń polıtsııa qyzmetkerleri «Brakoner» profılaktıkalyq is-sharasy kezinde quqyq buzýshylyqtyń 348 deregin anyqtady, - dep habarlaıdy QazAqparat tilshisi.

Oblys aýmaǵynda brakonerlik, bıologııalyq resýrstar obektileriniń zańsyz aınalymy faktilerin anyqtaý jáne jolyn kesý maqsatynda Almaty oblysy Polıtsııa departamenti tabıǵatty qorǵaý polıtsııasynyń qyzmetkerlerimen «Brakoner» jedel aldyn alý sharasy ótti.

«Jedel aldyn alý is-sharasyn ótkizý qorytyndysy boıynsha: 4 km. 700 metr qytaı balyq aýlaý jelisi, 4 qaıyq (2 Rezeńke, 2 alıýmınıı), 4172 kg balyq, 53 tekshe metr zańsyz daıyndalǵan aǵash, 4 dana benzopıla, 10 dana atys qarýy (onyń ishinde 8 tegis uńǵyly, 2 oıyq uńǵyly), 1 joıylyp ketý qaýpi bar «Suńqar-Balaban« qusy, 1 «P. I. T.« markaly benzın elektr generatory tárkilendi jáne 348 ekologııalyq sıpattaǵa quqyq buzýshylyq anyqtalyp, ol boıynsha 16 qylmystyq is qozǵaldy»,-dedi Almaty oblysy PD TQP tobynyń aǵa ınspektory, polıtsııa maıory Serik Baıǵazınov.

Tabıǵatty qorǵaý zańnamasyn buzǵany úshin 332 quqyq buzýshy ákimshilik jaýapkershilikke tartyldy.Quqyq buzýshylarǵa jalpy somasy 1 mln. 801 myń 248 teńge kóleminde aıyppul túrindegi ákimshilik jaza qoldanyldy.

«Memleketke keltirilgen zalal 9 mln.397 myń 630 teńgeni qurady»,- delingen oblystyq polıtsııa departamentiniń baspasóz qyzmeti taratqan habarlamada.


Uqsas jańalyqtar

Jańalyqtar

Úrdis

MURAǴAT