+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Almaty oblysynda aǵaıyndy barymtashylar qolǵa tústi

2019 jylǵy 16 qarasha 20:02
Bólisińiz:
Almaty oblysynda aǵaıyndy barymtashylar qolǵa tústi

TALDYQORǴAN. QazAqparat - Almaty oblysynda polıtseıler aǵaıyndy barymtashylardy qolǵa túsirdi. Eki azamat sharýanyń 19 bas jylqysyn aıdap áketti degen kúdikpen ustaldy, dep habarlaıdy QazAqparat tilshisi.

Oqıǵa 15 qarasha kúni Eńbekshiqazaq aýdanynda tirkelgen. «Bir úıir jylqymdy belgisiz bireýler Qyrbaltabaı aýyly mańynda aıdap ketti» dep sharýa shaǵym túsirgen. Malyn urlatyp alǵan azamat polıtseılermen birge jylqysyn izdeýge kirisedi. 14 jylqyny Talǵar aýdanynyń aýmaǵynan taýyp alyp, kúdikti retinde osy aýdannyń eki turǵyny ustalady. 1976 jáne 1979 jyly týǵan azamattar - aǵaly-inili baýyrlar. Almaty oblystyq polıtsııa departamenti habarlaǵandaı, eki kúdikti de Eńbekshiqazaq aýdanynyń polıtsııasyna jetkizilip, qamaýǵa alyndy.

Tergeý barysynda bes jylqynyń soıylyp, etke satylyp ketkeni anyqtaldy. Sharýa óz shyǵynyn 7 mln teńgege baǵalap otyr. Qazirgi tańda QR QK 188-baby, 4-bóligi boıynsha sotqa deıingi tergeý amaldary júrip jatyr. Kúdiktilerdiń osyǵan uqsas qylmystarǵa qatysy bar-joǵy tekserilýde.

Almaty oblysynda sońǵy úsh kún boıy mal urlyǵyna qarsy «Barymtashy» arnaıy operatsııasy júrgizilip, tártip saqshylary 52 barymtashyny qolǵa túsirdi. Buryn urlanǵan 113 mal ıelerine qaıtaryldy.

Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT