+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Almaty oblysynda 65 jastaǵy turǵyndy óltirdi degen kúdikpen eki shopan ustaldy

2021 jylǵy 16 qyrkúıek 01:15
Bólisińiz:
Almaty oblysynda 65 jastaǵy turǵyndy óltirdi degen kúdikpen eki shopan ustaldy

TALDYQORǴAN. QazAqparat - Almaty oblysynda 65 jastaǵy turǵyndy óltirdi degen kúdikpen eki shopan ustaldy, - dep habarlaıdy QazAqparat tilshisi.

Uqsas jańalyqtar
Pavlodar oblysynyń turǵyny qyzǵanyshtan adam óltirip, 12 jylǵa sottaldy Pavlodar oblysynda adam óltirdi degen kúdikpen aýyl turǵyny ustaldy Aqmolada taksı júrgizýshisin qaraqshylyqpen óltirgender 18 jylǵa sottaldy

«9 qyrkúıek kúni saǵat 18:00 shamasynda Kerbulaq aýdandyq polıtsııasyna óriste zorlyq-zombylyq belgileri bar er adamnyń máıiti tabylǵany týraly habarlama kelip tústi. Atalǵan fakt QR QK 99-baby 1-bóligi «Adam óltirý» boıynsha tirkeldi. Oqıǵa ornyna shyqqan jedel-tergeý toby Іle aýdanynyń 65 jastaǵy turǵynynyń denesin anyqtady. Áıeliniń aıtýy boıynsha, ol Jarkent qalasyna seriktesin alyp kelý úshin ketken. Jedel-izdestirý is-sharalaryn júrgizý barysynda Kerbulaq APB bastyǵynyń orynbasary polıtsııa maıory M. A. Qydyráliniń basshylyǵymen, jergilikti oryndardy qaraý barysynda JPB jedel ýákilderi, polıtsııa aǵa leıtenanttary Týralıev A. jáne Seıitjan A. Qońyróleń aýylynyń mańynda, jolda kele jatqan mas adamdy kúdikti retinde ustady. Súretke túsirip alyp, taný úshin jábirlenýshiniń áıeline usynǵan. Ustalǵan adam kisi óltirgenin moıyndady jáne ekinshi shopanmen qaıtyp kele jatyp, úsheýi ishimdik ishkeniń aıtqan»,- delingen Almaty oblystyq polıtsııa departamenti baspasóz qyzmetiniń taratqan habarlamada.

Vedomstvonyń aqparatyna sáıkes, er adamdar arasynda janjal jumysqa tólenetin aqshanyń azdyǵynan týyndaǵan.

«Aýyl mańynda jumys úshin az tóleıtiniń aıtyp, janjaldasqan. Keıin ekeýi birge marqumdy tunshyqtyrǵan. Telefon men aqshany alyp, máıitti dalaǵa tastap, jábirlenýshiniń kóligimen ózderi ketip qalǵan. Urlanǵan aqshaǵa ishimdik satyp alyp, ishýdi qaıta jalǵastyrǵan. Qońyróleń aýylynyń mańynda kólik synǵan. Ekinshi kúdikti, Panfılov aýdany Sholaqaı aýylynyń 44 jastaǵy turǵyny, ony polıtseıler marqumnyń kóliginde uıyqtap jatqan jerinen tapqan. Kúdiktilerdiń ekeýi de qamaýǵa alyndy»,- dep tolyqtyrdy atalǵan vedomstvonyń baspasóz qyzmetinen.

Belgili bolǵandaı, olardyń biri buryn bótenniń múlkin urlaǵany, sonyń ishinde mal urlaǵany úshin birneshe ret sottalǵan. Ekinshisi maskúnem retinde tirkelgen. Sotqa deıingi tergep-tekserý barysynda is QR QK-niń 99-babynyń 2-bóligi 7-tarmaǵyna «bir top adamdarmen jasalǵan adam óltirý qylmysy» qaıta saralandy.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT