Almaty oblysynda 60 páterli kópqabatty úı paıdalanýǵa berildi

ALMATY. QazAqparat – Almaty oblysyna qarasty Іle aýdanynyń ortalyǵy Ótegen batyr kentinde 60 páterli turǵyn úı paıdalanýǵa berildi, dep habarlaıdy QazAqparat.

Uqsas jańalyqtar

Jelide polıtsııaǵa shabýyldaǵan er adamnyń vıdeosy qyzý talqylanyp jatyr

Almatyda páterde jalǵyz qalyp qoıǵan 2 jasar bala qutqaryldy SQO-da basqa óńirlerden qonys aýdaratyndarǵa 714 baspana salynady Almaty oblysynda kóliktiń ústinen júgirip ótken pranker ustaldy

Bul Prezıdent Qasym-Jomart Toqaevtyń baspana kezeginde turǵandarǵa arnalǵan «5-10-20» baǵdarlamasy aıasynda júzege asty.

Tuńǵysh prezıdent kúnine oraı kópbalaly analar, bıýdjettik mekemelerde eńbek etetin mamandar úıli boldy. Saltanatty jıynda aýdan ákimi Baǵdat Qarasaev páter ıelerine kiltin tabystap, jańa qonysymen quttyqtady.

«Barshańyzdy Tuńǵysh Prezıdent kúnimen jáne jańa qonystaryńyzben quttyqtaımyn! Otbasylaryńyzdan bereke-birlik ketpeı jańa úılerińizdiń ishi yrysqa toly bolsyn! Jeke baspana árkimniń shaǵyn memleketi. Al, baspanaly bolý kim úshin bolsa da úlken qýanysh. Qýanyshtaryńyz jaqsylyqqa ulasa bersin! Egemendi elimizdiń irgesi aman, aspanymyz ashyq bolsyn!», – dedi ákim Baǵdat Qarasaev óz quttyqtaýynda.

Sondaı-aq, bıyl Almaty irgesindegi Boraldaı kentinde bıýdjet qarajatyna ınjenerlik jeliler tartylyp, jeke kásipkerler esebinen 130 páterlik 3 turǵyn úı paıdalanýǵa beriledi.

Іle aýdanynda qonys toılar aldaǵy ýaqytta da jalǵasa bermek. Turǵyn úı kezegin azaıtý maqsatynda, Ótegen batyr aýylynda taǵy da 60 páterlik turǵyn úıdiń qurylysy júrip jatyr. Odan basqa 72 páterli úsh úı men 100 úıden turatyn kottedj qalashyǵyn salý jospary bar.