Almaty oblysynda 55 jastaǵy er adam 10 kúnnen beri tabylmaı jatyr

TALDYQORǴAN.QazAqparat – Almaty oblysynda 1964 jylǵy Borantaev Dosymhan esimdi er adam úıinen shyǵyp ketip, qaıtyp oralmaǵan. 10 kúnnen beri habar-osharsyz ketken er azamatqa Almaty oblystyq Polıtsııa Departamenti izdeý saldy, dep habarlaıdy QazAqparat tilshisi.

Atalǵan vedomstvonyń baspasóz qzymetiniń málimetinshe, D. Borantaev 18 qańtar kúni Aqsý aýdanynyń Qyzylaǵash aýylyndaǵy úıinen shyǵyp ketip, oralmaǵan.

Ústine qara bylǵarydan tigilgen kúrteshe, qara tústi shalbar kıgen. Aıaq kıimi men bas kıimi de qara tústi. Eger sýrettegi er azamatty kórgen-bilgender nemese qandaı da bir aqparattan habardar bolsa, birden 102 nomerine habaralasýǵa bolady.

«Sondaı-aq Aqsý aýdandyq polıtsııasynyń kezekshi bólimine 8 (72832) 2-15-95 nemese kórsetilgen 8 771 417 11 10 uıaly telefon nomerine habarlasý qajet» delingen Almaty oblystyq PD baspasóz qyzmeti taratqan habarlamada.