Almaty oblysynda 29 bas iri qara urlaǵan eki shyǵysqazaqstandyq ustaldy
2022 jylǵy 2 shilde 03:30

Almaty oblysynda 29 bas iri qara urlaǵan eki shyǵysqazaqstandyq ustaldy

ÓSKEMEN. QazAqparat – Almaty oblysynda 29 bas iri qara urlaǵan eki shyǵysqazaqstandyq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylaryna Almaty oblysynyń 29 jastaǵy turǵyny júgingen. Óz sózinde ol sharýa qojalyǵynda jumys istegen eki malshynyń 24 bas iri qarany urlaǵanyn jetkizdi.

«Belgili bolǵandaı, olar ótken jyldyń qarasha aıynan beri ózderine senip tapsyrylǵan maldy urlap otyrdy. Osylaısha, jábirlenýshige 7 300 000 teńge mólsherinde materıaldyq zalal keltirgen», - delingen aqparatta.

Qazirgi ýaqytta polıtsııa qyzmetkerleri kúdiktilerdi ustady. Olar jaýap alý kezinde óz kinálaryn moıyndady. Urlanǵan mal ishinara qaıtaryldy.

Atalǵan fakti boıynsha QK-niń 189-baby 3-bóligine sáıkes sotqa deıingi tergeý amaldary júrgizilýde.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT