+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Almaty oblysynda 21 jastaǵy turǵyn memlekettik baǵdarlamamen bı stýdııasyn ashty

2021 jylǵy 28 qyrkúıek 02:00
Bólisińiz:
Almaty oblysynda 21 jastaǵy turǵyn memlekettik baǵdarlamamen bı stýdııasyn ashty

TALDYQORǴAN. QazAqparat - Almaty oblysynda 21 jastaǵy horeografııa oqytýshysy Ámına Urmanova kásipkerlik negizderi boıynsha bilim alyp, aýdanda alǵashqy bı stýdııasyn ashty, dep habarlaıdy QazAqparat tilshisi.

Uqsas jańalyqtar
Altaı Kólginov elordadaǵy bıznestiń jaǵdaıy týraly aıtty Almatyda kásipkerlik negizderine oqytatyn 109 oqý ortalyǵy jumys istep tur Bastaý bıznes: Almatyda 277 adam memlekettik qoldaýǵa ıe boldy

Ámına Urmanova Sarqan aýdanyndaǵy Sarqan qalasynyń týmasy. Gýmanıtarlyq kolledjdi uıymdastyrýshy-pedagog mamandyǵy boıynsha bitirgen. Kolledjde bı ujymynyń jetekshisi bolyp jumys istedi, sondaı-aq balalardy damytý ortalyǵynda horeografııadan sabaq berdi.

«Stýdent kezimde bolashaq mamandyǵym týraly kóp oılandym. Mektepte ne balabaqshada muǵalim nemese basqa jerde jaldamaly maman bolyp jumys isteımin be dep oıladym. Taldyqorǵan qalasyndaǵy memlekettik halyq bı ansambline de shaqyrtý boldy. Alaıda dara qyzmet jasaǵym keldi. Sondyqtan jeke kásipkerlikti bastaýǵa bel býdym», - deıdi kásipker.


2019 jyly Ámına «Jas kásipker» jobasyna qatysyp, bıznestiń negizderi boıynsha bilim alyp shyqty. Keıin ol «Eńbek» baǵdarlamasy aıasynda 200 AEK kóleminde grant aldy. Bul qarajatqa jas kásipker bı ortalyǵyna oryndy jaldap, qajetti jabdyqtar satyp aldy. Al bı stýdııasyna «Gratsııa» ataýyn berdi.

«Kolledjde oqý kezinde bı bıleýge nıet bildirýshilerdiń sany kóp boldy. Biraq qalamyzda mundaı stýdııa bolǵan joq. Sondyqtan suranysty zertteı otyryp, bı ortalyǵyn ashý kerektigine kózim jetti. Ázirge bul bizdiń aýdandaǵy alǵashqy jáne jalǵyz ortalyq. Stýdııada balalar klassıkalyq bılerden bastap, gımnastıka negizderine, qazirgi zamanǵy bılerge deıin oqytý men jattyǵýlardy úırenedi», - deıdi jas kásipker.


Stýdııada Ámınanyń ózi sabaq beredi. Ulttyq bılerden bólek álem halyqtarynyń bılerin, zamanaýı, estradalyq jáne klassıkalyq bıler úıretiledi. Sabaqqa 4 jastan 14 jasqa deıingi balalar qabyldanady. Alǵashynda 20 jasóspirim kelse, qazir kelýshiler sany eselendi. Jaqynda eresekter toby ashyldy.

Oqytýdan basqa Ámınanyń bı stýdııasy túrli baıqaýlarǵa qatysady. Osy jyldyń jaz aıynda jas bıshiler «Tantsýıýt vse!» horografııa óneri boıynsha respýblıkalyq baıqaýdyń birinshi oryn laýreaty atandy.


Almaty oblystyq Kásipkerler palatasynyń málimetinshe, jyl basynan beri «Eńbek» baǵdarlamasy aıasynda «Bastaý Bıznes» kásipkerlik negizderine 3,1 myńnan astam jumyssyz jáne jas kásipker oqytylǵan. Joba boıynsha ótken jyly jáne bıyl oqytylǵandardy qosa alǵanda 1200-den astam bıznes-joba ıeleri granttyq qarjylandyrý men jeńildetilgen nesıe aldy.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT