Almaty oblysynda 14 jáne 16 jastaǵy eki jasóspirim iz-túzsiz ketti

TALDYQORǴAN.QazAqparat - Almaty oblysynda 14 jáne 16 jastaǵy jasóspirimder joǵalyp ketti, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, 2004 jyly týǵan Lýnına Elızaveta men 2006 jylǵy Lýnın Vıtalıı 12 qańtar kúni úıden shyǵyp ketip, qaıta oralmaǵan.

Qaratal aýdanyna qarasty Ortatóbe aýylynyń turǵyndaryn izdeýge tártip saqshylary kirisip ketken. Elızaveta ústine ton, qara shalbar, qara etik kıgen. Al Vıtalııdiń ústinde - qara kúrteshe, basynda - jasyl malaqaı, aıaǵynda - qara krossovkı bolǵan.

«Eger kimde-kim iz-túzsiz joǵalǵan adamdar jaıly qandaı da bir aqparat biletin bolsa, 8 (72834) 2-10-02 jáne 8 (705)195-87-97 telefondaryna nemese 102 nómirine, Qaratal aýdandyq polıtsııa bólimshesine habarlasýyn suraımyz» delingen vedomstvo málimetinde.