+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Almaty oblysynda 1300-den asa kásipkerdiń quqyǵy qorǵaldy

2021 jylǵy 19 mamyr 17:11
Bólisińiz:
Almaty oblysynda 1300-den asa kásipkerdiń quqyǵy qorǵaldy

TALDYQORǴAN. QazAqparat - Almaty oblysynda «Atameken» ulttyq kásipkerler palatasy men prokýratýranyń birlesken jumysynyń nátıjesi jarııalandy, - dep habarlaıdy QazAqparat tilshisi.

Uqsas jańalyqtar
Beınetaspaǵa túsirip, jaýap aldy: Kásipkerler salyq organdarynyń ilki jobasyna narazy Aqtóbelik kásipker 9 oqýshysy bar aýylǵa mektep salyp berdi 2025 jylǵa qaraı memlekettiń ekonomıkaǵa qatysý úlesi 14 paıyzǵa deıin qysqarady

Jyl basynan beri Óńirlik kásipkerler palatasy men Almaty oblysynyń prokýratýrasy arasyndaǵy yntymaqtastyqty júzege asyrýdyń Jol kartasy aıasynda 1 300-den astam kásipkerdiń quqyqtary qorǵaldy. Bul týraly Qazaqstan kásipkerleriniń quqyqtaryn qorǵaý jónindegi ýákil apparatynyń Óńirlik sektor meńgerýshisi, Almaty oblysy Kásipkerler palatasy dırektorynyń quqyqtyq máseleleri jónindegi orynbasary Qanat Qabdıev málimdedi.

«Bıylǵy jyldyń birinshi toqsanynda oblys prokýratýrasymen birge kásipkerlerdiń jeke bilim berý, memlekettik satyp alý, monıtorıngtik toptar máseleleri boıynsha ótinishterin qaradyq. Nátıjesinde 1356 kásipkerdiń quqyǵy qorǵaldy, sonymen qatar prokýratýra tarapynan birqatar usynystar engizildi. Tórt laýazymdy tulǵa ákimshilik jaýapkershilikke tartyldy», - dedi Qazaqstan kásipkerleriniń quqyqtaryn qorǵaý jónindegi ýákil apparatynyń Óńirlik sektor meńgerýshisi, Almaty oblysy Kásipkerler Palatasy dırektorynyń quqyqtyq máseleleri jónindegi orynbasary Qanat Qabdıev.

Máselen, Eńbekshiqazaq aýdanynyń prokýratýrasy jekemenshik balabaqshalarǵa qatysty oblystyq máslıhat janyndaǵy tekserý komıssııasynyń 72 zańsyz tekserisin alyp tastady. Tekserý komıssııasynyń №6NK buıryǵyn (syrtqy memlekettik aýdıt júrgizý qaǵıdalaryn) buza otyryp, tekserý júrgizý týraly taǵaıyndaý aktilerinde belgisiz kezeń kórsetilgen, óz kezeginde bul Qaǵıdalardyń normalaryna qaıshy keledi. Sonymen qatar, jyl basynda 700-den astam jekemenshik balabaqshalar memlekettik bilim berý tapsyrysyn ornalastyrý boıynsha kelisim-shart jasasý máselesimen ótinish bildirgen bolatyn. Suraqty qarastyrý nátıjesinde Almaty oblysynyń Bilim basqarmasy QR BǴM buıryǵynyń jańa normalaryn eskerip, balabaqshalarmen kelisim-shart jasady.

Taldyqorǵan prokýratýrasy qala ákimi apparatymen memlekettik satyp alýǵa 23 qatysýshyǵa kepildik jarnalardy qaıtarmaý faktilerin anyqtady. Kásipkerlik sýbektilerimen sharttar sheńberindegi mindettemeler tolyq kólemde oryndalǵan bolatyn.

Sondaı-aq, Qanat Qabdıev monıtorıngtik toptardyń qyzmetine júrgizilgen baǵalaý nátıjeleri boıynsha Qarasaı jáne Uıǵyr aýdandarynyń ýchaskelik polıtsııa ınspektory qyzmetkerleriniń alty kásipkerdiń qyzmetine derbes zańsyz tekserýler júrgizilgenin, kásipkerlerdiń quqyqtary buzylǵanyn atap ótti. Polıtsııa tarapynan SEQ-ke ákimshilik jaýapkershilikke tartý úshin jiberilgen materıaldar keri qaıtaryldy. Osylaısha, prokýrorlardyń qadaǵalaý aktileri boıynsha bıznes sýbektilerin ákimshilik jaýapkershilikke zańsyz tartýdyń joly kesildi.

Aıta keteıik, 2021 jyldyń basynda oblystyq kásipkerler palatasy men óńirlik prokýratýra arasynda birlesken yntymaqtastyq týraly Jol kartasyna qol qoıyldy. Jol kartasy aıasynda kásipkerlerdiń quqyqtaryn qorǵaý men quqyqtaryn buzý faktileriniń jolyn kesý boıynsha birlesken is-sharalar kózdelgen. Bıznes ókili Kásipkerler palatasyna nemese prokýratýra organdaryna júgingen jaǵdaıda, ótinishti qaraý qorytyndysy boıynsha «Atameken» ÓKP saraptamalyq qorytyndy daıyndaıdy, sondaı-aq zerdeleý nátıjesi boıynsha prokýratýra prokýrorlyq qadaǵalaý jáne den qoıý aktilerin engizedi.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT