Almaty oblysy qurylys basqarmasynyń basshysy aýysty

2022 jylǵy 3 qazan, 21:14
Almaty oblysy qurylys basqarmasynyń basshysy aýysty

QONAEV. QazAqparat – Almaty oblysy ákiminiń ókimimen Sapar Seıilhanuly Nurashev oblystyq qurylys basqarmasynyń basshysy bolyp taǵaıyndaldy.

Sapar Nurashev 1975 jyly týǵan. 2001 jyly Almaty tehnologııalyq ýnıversıtetin «Tamaq ónerkásip salasynyń ekonomıkasy men menedjmenti» mamandyǵy boıynsha, 2008 jyly Qazaq bas sáýlet-qurylys akademııasyn «Ónerkásiptik, azamattyq qurylys jáne qala sharýashylyǵy» mamandyǵy boıynsha, 2017 jyly Almaty tehnologııalyq ýnıversıtetin «Menedjment» mamandyǵy boıynsha bitirgen.

Eńbek jolyn 1996 jyly «Temir agroónerkásip fırmasy» JShS dırektorynyń orynbasary bolyp bastaǵan. Ár jyldary «BN Azııa Alıans», «Asyl qurylysy» JShS dırektory, Almaty qalasy Almaly aýdany ákimi apparatynyń bas mamany, basshysy, Almaty qalasy Jaıly qalalyq orta basqarmasynyń basshysy laýazymdaryn atqarǵan.

2022 jyldyń sáýirinen Almaty qalasy Almaly aýdany ákiminiń orynbasary laýazymynda boldy.

Úılengen, 4 balasy bar.


Tegı:
Uqsas jańalyqtar
Seriktester jańalyqtary

Jańalyqtar