+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Almaty oblysy: Eńbek aýylynda balalar mekteptiń dálizinde oqyp jatyr

2019 jylǵy 8 qarasha 14:21
Bólisińiz:
Almaty oblysy: Eńbek aýylynda balalar mekteptiń dálizinde oqyp jatyr

TALDYQORǴAN. QazAqparat - Almaty oblysynyń oqýshylary dálizde bilim alyp júr. Bul týraly Dinmuhammed Kalıkýlov Facebook-tegi paraqshasynda jazdy, dep habarlaıdy QazAqparat tilshisi.

Uqsas jańalyqtar
Qasym-Jomart Toqaev: Aımaǵambetov oılanýy tıis Energetıka salasynda eńbek etsem deımin – Ámirjan Armandıev Nazarbaev ýnıversıtetinde bilimimdi jalǵastyrmaqshymyn – Shynar Mars

Ol óziniń jazbasynda Іle aýdanyndaǵy Eńbek aýylynyń balalary bilim alatyn mekemede ashana, sport jáne akt zaldarynyń joq ekenin atap ótken.

«Balalarǵa kabınet jetispegendikten olar dálizde oqıdy. Bul mektepte akt, sport zaldary, ashana joq. Bar bolǵany tórt bólme ǵana bar. Joǵary synyptyń oqýshylary kórshi aýylǵa baryp bilim alady. Al myna jerde kishkentaı balalar oqıdy. Olardyń jalpy sany 72. Jıyrma jyldan beri osyndaı jaǵdaı. Al jańa mektepke jer bólingen. Qashan salynatyny belgisiz»,-dep jazǵan avtor.

Al Almaty oblysy ákiminiń baspasóz qyzmeti osy atalǵan problemaǵa bylaı dep jaýap bergen.

«Keshe birqatar BAQ-da Іle aýdany, Eńbek aýylyna qarasty mektep máselesi qozǵaldy. Bul mektep beıimdelgen ǵımaratta ornalasqan, ıaǵnı bastapqyda mektep bolmaǵan. Osy sekildi, oblysta 147 mektep beıimdelgen ǵımarattarda ornalasqan. Oblys ákimdigi tarapynan beıimdelgen ǵımarattardaǵy mektepterdiń problemasyn sheshý úshin 73 mektep salýǵa 2019-2023 jyldar aralyǵynda 5 jyldyq qadamdyq jospar jasaldy. Josparǵa sáıkes, 2019 jyly jergilikti bıýdjet esebinen 2 mekteptiń qurylysy bastaldy: Kerbulaq aýdany Qosaǵash aýylynda 80 oryndyq, Kóksý aýdany Qyzyltoǵan aýylynda 120 oryndyq. Odan basqa 12 mekteptiń joba-smetalyq qujattary daıyndalýda»,- d elingen habarlamada.

Sondaı-aq bul jumys Almaty oblysynyń ákimi Amandyq Batalovtyń tikeleı qadaǵalaýynda ekendigi aıtylǵan.

«Naqty sıýjette kórsetilgen mektepke kelsek, máseleniń túıinin taratý kún jaqyn. Qazir 400 oryndyq mekteptiń jobasy daıyndalýda, sonymen birge jer telimi de anyqtalǵan»,- dep atap ótken baspasóz qyzmeti.

Bizdiń kanalymyzǵa jazylyńyz:

#Almaty   #Bilim  
Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT