Almaty oblysy dárigerleriniń ústemeaqysyna 2,89 mlrd teńge bólingen

TALDYQORǴAN. QazAqparat – Áleýmettik medıtsınalyq saqtandyrý qorynyń fılıaly Almaty oblysynyń medıtsınalyq uıymdaryna naýryz-maýsym aılarynda 3,43 mlrd teńge tóledi. Bul týraly «Jetisy media»-da ótken brıfıng barysynda belgili boldy, dep habarlaıdy QazAqparat tilshisi.

Uqsas jańalyqtar

Almaty kásipkerleri 25 qańtarǵa deıin qyzmetkerlerin MÁMS júıesinde saqtandyrýy tıis

Medıtsınalyq saqtandyrý júıesi kimderdi qamtydy – Basqarma tóraǵasynyń jaýaby

Bólingen qarajat medıtsınalyq kómek kórsetýge, medıtsına qyzmetkerlerine erekshe eńbek jaǵdaılary úshin qosymsha aqy tóleýge, statsıonar deńgeıindegi PTR-dıagnostıkaǵa, sondaı-aq ambýlatorlyq-emhanalyq kómek deńgeıindegi PTR-dıagnostıkaǵa baǵyttalǵan.

Áleýmettik medıtsınalyq saqtandyrý qorynyń Almaty oblysy boıynsha fılıal dırektory Nurlan Otarǵalıevtiń aıtýynsha, medıtsına qyzmetkerlerine erekshe eńbek jaǵdaılary úshin qosymsha aqy tóleý somasynyń edáýir artýy baıqalady. Bul kórsetkish shilde aıynda – 1,52 mlrd teńgeni quraǵan.

«Respýblıkalyq bıýdjet qarajatynan Almaty oblysynyń medıtsına qyzmetkerlerine qosymsha aqy tóleýge 2,89 mlrd teńge bólindi. Aı saıyn koronavırýs ınfektsııasy boıynsha 1447-den 5362 qyzmetkerge ústemeaqy tólenedi», - dep atap ótti Nurlan Otarǵalıev.

Aıta keterligi, óńirde naýqastardy emdeýge 3455 medıtsına qyzmetkeri jumyldyrylǵan.

Aýyr naýqastarǵa keńes berý úshin aýdandyq jáne oblystyq deńgeıde oblystyń jetekshi mamandary tartylǵan eki ortalyq jumys isteıdi. Al sońǵy aptada aýyr naýqastardyń sany 32% azaıdy, 20% jaǵdaıdyń jaqsarǵany baıqalady.