Almaty oblystyq Kólik ınspektsııasy 36 zańdy tulǵanyń mórtańbasyn zańsyz paıdalanǵan
2022 jylǵy 16 maýsym 16:09

Almaty oblystyq Kólik ınspektsııasy 36 zańdy tulǵanyń mórtańbasyn zańsyz paıdalanǵan

NUR-SULTAN. Qazaqparat – Almaty oblysy boıynsha Sybaılas jemqorlyqqa qarsy qyzmet óńirdegi kóliktik baqylaý ınspektsııasy bas mamanynyń jumys kabınetinen túrli zańdy tulǵalardyń 36 mórtańbasyn tapty. Mór ıeleri – halyqaralyq júk tasymaldaýshylar, dep habarlaıdy QazAqparat vedomstvonyń resmı saıtyna silteme jasap.

Mamandar anyqtaǵandaı, atalǵan 36 zańdy tulǵa jyl saıyn kóp mólsherde júk tasymaldaýdy júzege asyrýǵa arnalǵan sheteldik ruqsat blankilerin alyp otyrǵan.

Almaty oblysy boıynsha Sybaılas jemqorlyqqa qarsy qyzmet basshysynyń birinshi orynbasary Tımýr Temirálıevtiń aıtýynsha, memlekettik mekemede zańdy tulǵalardyń kóp mólsherde mórtańbalary bolýy tasymaldaýshylar men qyzmetkerlerdiń arasynda tyǵyz baılanys bar ekendigin kórsetedi. Bul – joǵary sybaılas jemqorlyq táýekelderiniń biri.

«Tergeý málimetterine sáıkes, mórler ınspektsııada 3 jyldan astam ýaqyt bolǵan. Bul rette ınspektsııanyń ózinde osy mórtańbalardyń qandaı jaǵdaıda jáne qaı ýaqyttan beri týraly naqty túsinik bere almady», - delingen departament málimdemesinde.

Sybaılas jemqorlyqqa qarsy vedomstvoda atap ótkendeı, memlekettik organda ózge zańdy tulǵalardyń mórlerin saqtaý, paıdalaný – zańsyz áreket.

Esterińizge sala keteıik, Almaty oblysy boıynsha Sybaılas jemqorlyqqa qarsy qyzmeti mamandary kólik ınspektsııasynan 27 sybaılas jemqorlyq táýekelderin anyqtaǵan bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT