Almaty metrosyna seısmıkalyq stantsııalar ornatyldy
2022 jylǵy 20 mamyr 16:45

Almaty metrosyna seısmıkalyq stantsııalar ornatyldy

NUR-SULTAN. QazAqparat - Almaty metrosyna alǵashqy seısmıkalyq stantsııalar ornatyldy, dep habarlaıdy QazAqparat.

Injenerlik-seısmometrıkalyq qyzmet stantsııalaryn ornatýǵa «Qazaq qurylys jáne sáýlet ǵylymı-zertteý jáne jobalaý ınstıtýty» AQ ǵylymı-tehnıkalyq turǵydan kómek kórsetken.

«Almaty qalasy metropolıteniniń «Baýyrjan Momyshuly» jáne «Saryarqa» jańa stantsııalarynda toǵyz arnaly tsıfrly aspapty-ólsheý júıeleri ornatyldy. Atalǵan qurylǵylar shveıtsarııalyq GeoSIG fırmasynyń ónimi.

Bul – Almaty qalasynyń metro júıesinde ornatylǵan alǵashqy seısmıkalyq stantsııa. Atalǵan qurylǵylar jer silkinisin aldyn-ala boljaýǵa múmkindik berip, zilzala kezindegi kınematıkalyq parametrlerdiń aspaptyq jazbalaryn alýǵa septigin tıgizbek. Qurylǵydan alynǵan aqparat seısmıkalyq áserdiń naqty qýaty men erekshelikterin eskerýge jáne metropolıtenniń jańa stantsııalaryn jobalaýǵa yqpal etedi», - dep jazdy Indýstrııa jáne ınfraqurylymdyq damý mınıstrliginen.

Qurylǵylar kútý rejıminde jumys isteıdi. Onyń iske qosý shegi – 0.05g. Aspapta iske qosý sheginiń bolýy – metropolıtendegi poıyzdar qozǵalysynyń dınamıkalyq áserimen baılanysty.

Aıta keteıik, stantsııalar ótken jyly tehnıkalyq turǵydan iske qosylǵan. Bıylǵy maýsym aıynda olardy tolyq paıdalaný josparlanyp otyr. Aldaǵy ýaqytta metropolıtendegi qurylysy júrip jatqan taǵy eki bekette osy taqilettes seısmıkalyq stantsııalardy ornatý kózdelgen.


Uqsas jańalyqtar

Jańalyqtar

MURAǴAT