+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Almaty men Tel-Avıv arasynda jańa áýe reısi ashylady

2020 jylǵy 18 aqpan 17:44
Bólisińiz:
Almaty men Tel-Avıv arasynda jańa áýe reısi ashylady

NUR-SULTAN. QazAqparat - «Israir» áýe kompanııasy 2020 jyldyń mamyr aıynan bastap Tel-Avıv – Almaty baǵyty boıynsha ushýdy josparlap otyr, dep habarlaıdy QazAqparat Azamattyq avıatsııa komıtetine silteme jasap.

Uqsas jańalyqtar
Qazaqstanda 97 halyqaralyq, 45 ishki baǵyttaǵy áýe reısteri toqtap tur - IIDM Aqtaýda 6 sáýirden bastap óńiraralyq reıster toqtaıdy Almatyda halyqaralyq áýe reısteri toqtady

Azamattyq avıatsııa komıtetiniń tóraǵasy Talǵat Lastaev «Israir» áýe kompanııasynyń prezıdenti Ýrı Sırkıs jáne Izraıl memleketiniń Elshisi Lıat Vekselmanmen kezdesý ótkizdi. Oǵan «Qazaqstannyń avıatsııalyq ákimshiligi» AQ, QR UQK, QR ІІM, QR MKQ ókilderi qatysty. Jıynda Qazaqstan áýejaılarynda engizilgen «ashyq aspan» júıesi aıasynda Izraıl men Qazaqstan arasynda tikeleı áýe qatynasyn ornatý máselesi talqylandy.

«Israir» áýe kompanııasynyń prezıdenti Ýrı Sırkıs avıatsııalyq qaýipsizdik boıynsha barlyq qajetti rásimderdi ótkizý shartymen 2020 jylǵy mamyrdan bastap Tel-Avıv – Almaty baǵyty boıynsha ushýlardy bastaý josparyn málimdedi.

Izraıldik áýe kompanııalardyń shet elderge ushýy joǵary qaýipsizdik sharalarymen baılanysty ekenin atap ótý qajet. Osyǵan baılanysty, kezdesý barysynda taraptar shet elderge reısterdi oryndaý kezinde ızraıldik áýe kompanııalarǵa qoıylatyn Izraıl memleketiniń avıatsııalyq qaýipsizdik jónindegi talaptardy talqylady.

Jalpy, Izraılmen tikeleı áýe qatynasyn ornatý Qazaqstannyń týrıstik jáne tranzıttik áleýetin damytýǵa, sondaı-aq mádenı ózara is-qımylǵa, saýda-ekonomıkalyq jáne saıası yntymaqtastyqqa yqpal etetin bolady.

Kezdesý qorytyndysy boıynsha taraptar eki el arasynda turaqty jolaýshylar reısin ashý boıynsha jumysty jalǵastyrýǵa kelisti.

Aıta keteıik, «Israir» áýe kompanııasy Izraıldiń ekinshi iri áýe kompanııasy bolyp tabylady. 2019 jyldyń qorytyndysy boıynsha áýe kompanııa 1,5 mln jolaýshy tasymaldady. Áýe kompanııanyń floty A 320 jáne ATR 72 tıpti 7 áýe kemesinen turady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT