+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Almaty men Máskeý yntymaqtastyq týraly memorandýmǵa qol qoıdy

2019 jylǵy 15 qarasha 17:48
Bólisińiz:
Almaty men Máskeý yntymaqtastyq týraly memorandýmǵa qol qoıdy

ALMATY. QazAqparat– Máskeýdiń Almatydaǵy kúnderi aıasynda eki qalanyń baýyrlastyq qatynastarynyń 25 jyldyǵyna oraı ınvestıtsııa, saýda-ekonomıkalyq jáne iskerlik yntymaqtastyq máseleleri boıynsha konferentsııa ótti, dep habarlaıdy QazAqparat tilshisi.

Almaty qalasy ákiminiń orynbasary Erjan Babaqumarov konferentsııaǵa qatysýshylarǵa arnaǵan quttyqtaý sózinde eki qalanyń dostyq qarym-qatynasynyń ómirsheńdigin erekshe atady.

«Kezinde Almatyda tarıhı jáne mádenı tutastyq biriktirgen eki el arasynda strategııalyq mańyzy bar baılanystar týyndaǵan bolatyn. Biz zamanaýı Máskeýdiń damý úrdisin jiti qadaǵalaımyz, jetistigine qýanamyz, ozyq tájirıbesin úırenemiz. Almatydaǵy Máskeý kúnderi eki qalanyń paıdasy úshin tájirıbe almasýǵa, jańa ıdeıalar men josparlardy bólisýge múmkindik beredi», – dedi Erjan Babaqumarov.


Sondaı-aq, ol Almaty Qazaqstannyń mádenı jáne iskerlik ortalyǵy, qalanyń damyǵan ınfraqurylymy, zııatkerlik jáne mádenı baı murasy men ondaǵan jyldar boıyna jınaqtalǵan adamı kapıtal kreatıvti ekonomıkanyń damýyna keńinen jol ashatynyn atap ótti.

«Aıta keterligi, bizdiń qalalarymyz arasyndaǵy yntymaqtastyqty odan ári nyǵaıtýda jergilikti ákimshilik, isker jandar men shyǵarmashyl ujymdar delegatsııalarynyń pikir almasý saparlarynyń, kezdesýleriniń, kelissóz júrgizýleriniń mańyzy zor», - dedi Almaty ákiminiń orynbasary.

Óz kezeginde Almatydaǵy Reseıdiń Bas konsýly Evgenıı Bobrov Reseı men Qazaqstan arasyndaǵy yntymaqtastyqta Máskeý men Almatynyń basty ról atqaratynyn aıtty.



«Almaty men Reseı arasyndaǵy taýar aınalymy 2018 jyldyń qorytyndysy boıynsha $4,7 mlrd jetti. Al, Máskeý men Qazaqstan arasyndaǵy taýar aınalymy $4 mlrd quraıdy», - dedi Bas konsýl.

Almaty ákimdigi men Máskeý úkimeti arasynda 2020-2023 jyldarǵa arnalǵan yntymaqtastyq týraly memorandýmǵa qol qoıyldy. Qujat saýda-ekonomıkalyq, gýmanıtarlyq jáne mádenı yntymaqtastyqta ekijaqty qarym-qatynasty aıqyndaıdy.

Almaty ákimdigi tarapynan memorandýmǵa qala ákiminiń orynbasary Erjan Babaqumarov, al Máskeý úkimeti jaǵynan Máskeý úkimetiniń mınıstri, syrtqy ekonomıkalyq jáne halyqaralyq baılanystar departamentiniń basshysy Sergeı Cheremın qoldaryn qoıdy.



Bizdiń kanalymyzǵa jazylyńyz:

Basty sózder: Almaty, Mádenıet, Reseı,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT