+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Almaty kóshelerine 93 aqyldy baǵdarsham ornatylady

2020 jylǵy 21 qańtar 14:15
Bólisińiz:
Almaty kóshelerine 93 aqyldy baǵdarsham ornatylady

ALMATY. QazAqparat – QR «Almaty qalasynyń erekshe mártebesi týraly» Zańynyń aıasynda qala ákimdigi jol qozǵalysyn basqarýdyń avtomatty júıesin engizý men paıdalanýdyń jańa erejelerin ázirlenip jatyr, dep habarlaıdy QazAqparat tilshisi.

Atalǵan erejeler qalanyń baǵdarsham júıesin modernızatsııalaýǵa múmkindik beredi. Bıylǵy jyly 93 baǵdarsham zııatkerlik kólik júıesimen jaraqtandyrylady. Bul quzyret qala turǵyndarynyń, mamandardyń pikirin jáne halyqaralyq tájirıbeni eskere otyryp ákimdiktiń bastamasy boıynsha qolǵa alynýda. Osy máselege qatysty júrgizilgen zertteýler baǵdarshamdardy jol jaǵdaılaryna qaraı beıimdeý qajet ekenin kórsetti.

«Bıyl zııatkerlik júıeniń alǵashqy kezeńinde 93 baǵdarshamdy ornatýdy josparlap otyrmyz, qalǵany 2022 jyldyń sońyna deıin júzege asyrylady», — dedi Almaty qalasy qalalyq mobıldilik basqarmasy basshysynyń orynbasary Qanat Baıǵonyrov.

«Aqyldy» baǵdarshamdar joldardaǵy qozǵalysty ózi retteıdi, qondyrǵy júrgizýshiler úshin qolaıly ýaqytty (20 nemese 30 sekýnd) boljaı alady.

Qanat Baıǵońyrov baǵdarshamdardyń zııatkerlik júıesiniń jolaqtardaǵy, baǵyttardaǵy kólik sanyn avtomatty túrde sanaıtynyn jáne kólik jyldamdyǵyn anyqtaıtynyn da aıtty.

«Kólik aǵynyn tirkeıdi jáne syrtqy ásersiz jol qozǵalysyn retteıtin bolady. Osylaısha, baǵdarshamdar joldardaǵy jaǵdaılarǵa beıimdeledi», — deıdi ol.

Nátıjesinde «aqyldy» baǵdarshamdar «jasyl dálizdi» qurady jáne qozǵalys áleýetine basymdyq beredi, eń aldymen qozǵalystyń úlken aǵynyn azaıtýdy basshylyqqa alady ári qoǵamdyq kólik qozǵalysyna yqpal etedi.

Mundaı zııatkerlik júıeni engizý qaladaǵy jol qozǵalysyna qatysty problemalardy sheshýge, joldardaǵy keptelisterdi azaıtýǵa, kóshe-jol jelisiniń ótkizý qabiletin arttyrýǵa ári apatty jaǵdaılardy azaıtýǵa kómektesedi dep kútilýde.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT