+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almaty koronavırýstyń ekinshi tolqynyna daıyndalyp jatyr

2020 jylǵy 6 tamyz 00:30
Bólisińiz:
Almaty koronavırýstyń ekinshi tolqynyna daıyndalyp jatyr

ALMATY. QazAqparat – Almaty arnasyndaǵy «Akimat Live» tikeleı efırinde Baqytjan Saǵyntaev qazirgi epıdemıologııalyq ahýal men COVID-19 kúresý sharalary týraly aıtty, dep habarlaıdy QazAqparat tilshisi.

Uqsas jańalyqtar
Reseıde bir aptada 40 myńnan asa adam koronavırýs juqtyrdy Beıjińde tikeleı halyqaralyq reıster toqtatylýy múmkin Aqmolalyqtar koronavırýs indetiniń ekinshi tolqynyna daıyndalyp jatyr

Bıylǵy 5 tamyzdaǵy sońǵy málimetterge sáıkes, Almatyda COVID-19 juqtyrǵandar sany 12641-ge jetti. Táýlik ishinde 176 jańa jaǵdaı anyqtaldy. Búginge deıin barlyǵy 7590 adam emdelip shyqty, bul naýqastardyń 60%-yn quraıdy. Sońǵy táýlikte 504 adam emdelip shyqty. Osy ýaqyt ishinde alǵash ret oń úrdis baıqaldy, onda saýyǵyp shyqqandar sany aýrýhanada jatqandardyń sanynan 3,3 ese artyq.

Almaty qalasynyń ákimi vırýsty jedel juqtyrýshylardy anyqtaý úshin búgingi kúni zertteý jumystarynyń qarqyndy júrgizilgendigin, zerthanalardyń qýattylyǵy 2,5 myńnan 9,5 myńǵa deıin artqanyn, zertteý kóleminiń kúnine 19,5 myńǵa deıin ulǵaıǵanyn atap ótti.

«Biz úshin medıtsına uıymdaryna túsetin júktemeniń naqtyly kórinisin kórý mańyzdy. ıAǵnı, dári-dármekterdiń qajetti qoryn qurý, dárigerlerge túsetin júktemeni esepteý jáne t.b. Bul kórsetkishter barynsha naqty bolsa, KVI-men kúrestiń pármendiligi artady», - deıdi ákim.

Almatydaǵy №4 jáne №7 qalalyq klınıkalyq aýrýhanalar birtindep qalypty jumys rejımine kóshýde.

« Pandemııanyń jańa tolqynyna daıyndyq aıasynda aýyr naýqastar úshin birinshi eshelondaǵy ınfektsııalyq statsıonarlardaǵy tósek-oryndardyń qýattylyǵy 1015-ke ulǵaıady. Sondaı-aq, tamyz aıynyń sońynda 500 oryndy jańa aýrýhana iske qosylady. Qyrkúıek aıynyń ortasyna deıin - 300 oryndy jedel salynatyn juqpaly naýqastar aýrýhanasy, jeke ınvestıtsııalar esebinen 1 qazanǵa deıin eki qonaqúı bazasynda 215 oryndy tolyqqandy kovıdti klınıkalar iske qosylady»,– deıdi shahar basshysy.

Budan ózge, barlyq kovıdti aýrýhanalarda B jáne V synyptaǵy medıtsınalyq qaldyqtardy joıý, sonymen qatar toqtaý sýlardy zalalsyzdandyrý júıeleri boıynsha zamanaýı termınaldar salý josparlanǵan.

Sonymen qatar, qala ákimi ózin-ózi oqshaýlaý rejımin buzýshy sımptomsyz vırýs juqtyrýshylarǵa qoldanylǵan sharalarǵa jeke toqtaldy. 2020 jyldyń 3 tamyzynan bastap Almaty qalasynda COVID-19 koronavırýs ınfektsııasy taralýyn boldyrmaý úshin qosymsha shekteý sharalary engizildi. Bul KVI dıagnozy rastalǵan adamdardyń ózin-ózi oqshaýlaý sharalary.

«Eger PTR-testileýdiń oń nátıjesi anyqtalǵan jaǵdaıda, naýqas adamǵa belgilengen erejelerdi saqtaý týraly habarlama jiberiledi. Oǵan úı karantıni erejelerin buzǵan jaǵdaıda jaýapkershilikke tartylatyny (ákimshilik aıyppuldy qosa) eskertiledi. Búgingi tańda KVI-di juqtyrǵan 8 sımptomsyz naýqas arnaıy statsıonarǵa oqshaýlandy. 30 AEK kóleminde aıyppul salyndy. Eger olar ózgelerge aýrý juqtyratyn bolsa, onda qylmystyq jaýapkershilikke tartylýy múmkin»,– dedi Baqytjan Saǵyntaev.

Tikeleı efır barysynda, B. Saǵyntaev KVI-men kúresýge yqpal etetin tsıfrlyq sheshimder týraly aıtty. Mysaly, qoǵamdyq kólikterde «maska rejıminiń» yqtımal buzýshylaryn anyqtaıtyn júıe synaqtan ótkizilýde, bul jolaýshylar arasyndaǵy áleýmettik qashyqtyqtyń saqtalýyn anyqtaýǵa múmkindik beredi. Sonymen birge dárihanalarda dári-dármekterdiń qansha qalǵandyǵyn anyqtaıtyn qosymsha ázirlendi.

«Aıta keterligi, almatylyq baǵdarlamashylar jasaǵan sheshimderdiń biri elimiz boıynsha qoldanýǵa usynyldy. Tótenshe jaǵdaı jáne kúsheıtilgen karantın kezinde almatylyq kásipkerler úshin basty másele – kásiporyndar qyzmetiniń jáne qozǵalystardyń shektelýi boldy. Málimetterdi jınaýdy, óńdeýdi, saqtaýdy jáne jarııalaýdy avtomattandyrý úshin – infoalmaty.kz ıntegrator portaly quryldy. Bul joba bıznes pen jergilikti atqarýshy organdardyń ózara is-qımylyn úılestirýdiń mysaly bolyp tabylady. Atalmysh tájirıbe búkil respýblıkaǵa taralady»,– dedi ákim.

Sondaı-aq, Baqytjan Saǵyntaev qalada pandemııa jaǵdaıynda almatylyqtardyń ómiri men densaýlyǵyn saqtaý jóninde naqtyly is-sharalar jospary bar ekenin atap ótti.

«Jedel járdem kómegi baǵytynyń jańa modeli jasaldy. Negizgi klınıkalyq-dıagnostıkalyq baǵyttar boıynsha shtattan tys mamandar ınstıtýty quryldy. Jalpy qalalyq zerthanalyq jelini ortalyqtandyrý júzege asyryldy.Biz qalalyqtardyń densaýlyǵy men qaýipsizdigin qorǵaý jónindegi jospardyń ekinshi kezeńin júzege asyrýǵa ótýdemiz, oǵan kúzgi-qysqy maýsymda bolýy múmkin pandemııanyń ekinshi tolqynyna daıyndyq sharalary enedi. Oshaqtardy baqylaý, juqtyrý tizbesin úzý boıynsha jumystar kúsheıtiledi», - dep qosty qala ákimi.

Іs-sharalardyń qatarynda, beınebaılanys arqyly ózin-ózi oqshaýlaý jaǵdaıynda naýqastyń halin baqylaý jáne baǵalaýǵa múmkindik beretin Telemedıtsınalyq monıtorıng pen jeńil jáne sımptomsyz COVID-19 juqtyrǵan patsıentterdi qoldaý ortalyǵyn qurý josparlanýda.

«Sonymen qatar, ambýlatorııalyq emdeýden ótip jatqan KVI juqtyrǵan patsıentterdi qashyqtyqtan baqylaýǵa arnalǵan mobıldi qosymsha jasaý josparlanǵan.Psıhologııalyq kómek kórsetý jumystary kúsheıtiledi.Qoldanystaǵy koll-ortalyqtyń negizinde COVID-19-dan jazylyp shyqqan patsıentterge jáne olardyń týystaryna psıhologııalyq qoldaý tobyn qurý josparlanǵan. Qabyldanǵan sharalar qaladaǵy pandemııanyń barysy men damýyna áser etýi múmkin yqtımal qaýipterdiń aldyn alýǵa baǵyttalǵan»,– dep qortyndylady ákim.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT