Almaty qalasynyń tótenshe jaǵdaılar departamenti taýda abaı bolýǵa shaqyrdy
2022 jylǵy 28 qańtar 17:59

Almaty qalasynyń tótenshe jaǵdaılar departamenti taýda abaı bolýǵa shaqyrdy

ALMATY. QazAqparat - Almaty qalasynyń tótenshe jaǵdaılar departamenti qala turǵyndaryn taýda abaı bolýǵa shaqyrdy, dep habarlaıdy QazAqparat tilshisi.

«Qazgıdromettiń 28 qańtardaǵy №15 Daýyldy eskertýiniń negizinde 29-30 qańtar (demalys) kúnderi Almatynyń taýly aımaqtarynda keı jerlerde tuman, kóqtaıǵaq kútiledi. Taýda abaı bolyńyzdar», - delingen habarlamada.

Osyǵan baılanysty Almaty qalasynyń TJD almatylyqtarǵa tómendegideı eskertý jasady:

- Qatty jaýyn-shashyn ( qar, jańbyr) nemese qatty jel týraly daýyl týraly eskertý jarııalanǵan jaǵdaıda, tipti taýly aımaqqa barýdy keıinge qaldyrǵan durys.

- Eger siz taýda bolsańyz, muqııat bolyńyz jáne aýa-raıynyń ózgerýin qadaǵalańyz.

- Úıge qaıtýdy táýliktiń kesh ýaqytyna keshiktirmeńiz, keri baǵytty taba almaýyńyz múmkin.

- Rıýkzaktarda myna qajetti zattar bolýy tıis: jyly kıimder,kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.

- Eshbir jaǵdaıda taýǵa jalǵyz barmańyz!

- Týǵan-týystaryńyz ben jaqyndaryńyzdy marshrýtyńyzdyń baǵyty jáne ornalasqan jerińizdi barynsha tolyq habardar etý óte mańyzdy.


Jańalyqtar

MURAǴAT