Almaty qalasynyń tsıfrlyq egizi qurylady
2022 jylǵy 4 shilde 16:46

Almaty qalasynyń tsıfrlyq egizi qurylady

ALMATY. QazAqparat - Almatyda vedomstvolyq baǵynysty kompanııalar men memlekettik organdar arasynda kommýnıkatsııany arttyrý úshin biryńǵaı platformada qalanyń tsıfrlyq egizi qurylady. Bul týraly qala ákimi Erbolat Dosaev Almaty qalasyn damytýdyń 2025 jylǵa deıingi josparyn talqylaý barysynda aıtty, dep habarlaıdy QazAqparat tilshisi.

Erbolat Dosaevtyń aıtýynsha, Almatynyń tsıfrlyq egizine kólik, ekonomıkalyq, ekologııalyq jáne qurylys derekteri engiziletin bolady. Sondaı-aq, úlken derekterdi taldaý negizinde qalany damytý stsenarııiniń fýnktsıonaly bar platformalany engizý josparlanýda.

«Bul halyqtyń qalalyq ınfraqurylym obektilerine qajettiligin boljaýǵa jáne jalpy qalany basqarýdyń tıimdiligin arttyrýǵa múmkindik beredi. 2030 jylǵa deıin qalalyq qyzmettiń barlyq servısi onlaın jáne smartfon arqyly qoljetimdi bolady. Bul rette qala turǵyndary barlyq usynylǵan qyzmetterdi tikeleı baǵalaı alady», - dedi Almaty ákimi.

Eske salaıyq, Erbolat Dosaev búgin Almatyda taǵy úsh metro stantsııasy salynatynyn jáne qalanyń shetki aımaǵynda Almaty-3 temirjol vokzalyn salý josparlanǵanyn aıtty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT