Jańalyqtar  >
«Almaty - Frankfýrt» ushaǵynda jolaýshy shyny synyǵymen bortserikterge shabýyldaǵan
2022 jylǵy 17 tamyz 21:36

«Almaty - Frankfýrt» ushaǵynda jolaýshy shyny synyǵymen bortserikterge shabýyldaǵan

ALMATY. QazAqparat - Lufthansa áýe kompanııasynyń Almatydan Frankfýrtqa ushyp shyqqan ushaq bortynda jolaýshylardyń biri men bortserikter arasynda daý-damaı shyqty, dep habarlaıdy QazAqparat tilshisi.

Jýrnalıst Mıhaıl Kozachkov Telegram-kanalynda eki jaqtyń túsinispeýshiligi qaıǵyly jaǵdaıǵa ákele jazdaǵanyn jazdy. Jolaýshy shyny ydysty syndyryp, bortserikterge zaqym keltirmek bolǵan.

«Oqıǵa kýágeriniń aıtýynsha, aıǵaı-shýdy estigen er adam bıznes-klass jaǵynan atyp shyqqan, shamasy bizdiń otandasymyz bolýy kerek. Ol jalǵyz ózi ashýly er adamnyń qolyn burap, stıýardtarǵa plastıkalyq kisen taǵýǵa kómektesti», - dedi jýrnalıst.

Áýe kompanııasynyń baspasóz qyzmeti aqparatty rastady. Olardyń málimetinshe, atalmysh oqıǵa 15 tamyz kúni LH 647 bortynda bolǵan.

«Jolaýshylardyń biri ózin destrýktıvti jáne agressıvti ustady. Ekıpaj músheleri men basqa jolaýshylar ony tynyshtandyrýǵa tyrysyp, janjalǵa aralasyp ketti. Nátıjesinde olar doly jolaýshyny tynyshtandyrdy. Ushaq qonǵan soń, ony Germanııanyń Federaldy polıtsııasy qamaýǵa alyp, mán-jaıdy anyqtap jatyr», - dep habarlady áýe kompanııasynyń baspasóz qyzmetinen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT