+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Almaty COVID-19-ben kúreste basqa óńirlermen tájirıbe bólisip jatyr

2020 jylǵy 26 qyrkúıek 17:38
Bólisińiz:
Almaty COVID-19-ben kúreste basqa óńirlermen tájirıbe bólisip jatyr

ALMATY. QazAqparat - Almaty mamandary óńirlerge COVID-19 jańa tolqynyna daıyndyq qalaı ótip jatqandyǵy týraly tájirıbesimen bólisti, dep habarlaıdy QazAqparat tilshisi.

Uqsas jańalyqtar
Almaty shetindegi shaǵynaýdanda jańa medıtsınalyq ortalyq ashyldy Shalǵaıdaǵy aýdandyq aýrýhanaǵa ortalyqtandyrylǵan ottegi júıesi ornatyldy - Mańǵystaý Medıtsına qaldyqtaryn kómýmen aınalysatyn mamandarǵa biliktilik talaptary ázirlendi

Osy maqsatta QR DSM qoldaýymen «Almaty qalasynda koronavırýstyq ınfektsııanyń aldyn alý jáne onymen kúresý boıynsha medıtsınalyq kómekti jetildirý» taqyrybynda semınar-trenıng ótti.

Atalǵan semınar medıtsınalyq qyzmetterdiń sapasy men qoljetimdiligin qamtamasyz etý úshin jańa serpinge aınaldy. Memleket basshysy 1 qyrkúıektegi Qazaqstan halqyna Joldaýynda aıtqandaı, «epıdemıologııalyq jaǵdaıdyń jaqsarýy bosańsýǵa sebep bolmaýy tıis. Kúres áli de jalǵasýda. «Másele týyndaǵan kezde ǵana» qımyldamaı, barlyǵyn jan-jaqty oılastyryp jumys isteýimiz kerek. Barlyq sheshimder muqııat tekserilgen boljamdarǵa negizdelýi qajet.»


Bul onlaın-kezdesýdiń maqsaty basqa óńirlermen tájirıbe almasý boldy. Almaty qalasy Qoǵamdyq densaýlyq basqarmasynyń basshysy Qamaljan Nadyrov, QR DSM Taýarlar jáne kórsetiletin qyzmetterdiń sapasy men qaýipsizdigin baqylaý komıtetiniń Almaty qalasy boıynsha departamentiniń basshysy, qalanyń bas memlekettik sanıtarlyq dárigeri Jandarbek Bekshın, Almaty qalasy Tsıfrlandyrý basqarmasynyń basshysy Baıan Qońyrbaev, 15-ten asa jetekshi doktor men COVID-19 indetimen qarsy kúresýge baǵyttalǵan qyzmet basshylary óz tájirıbelerinde ishki jumys tetikteri qalaı rettelgenin jáne qalanyń densaýlyq saqtaý júıesiniń quldyraýyna jol bermeı, qıyńdyqtarǵa qalaısha tótep berýge bolatyny jóninde aıtyp berdi.


«Qaladaǵy syrqattanýshylyq deńgeıi men qarqyndylyǵyn basqarý mindetin qoıa otyryp, densaýlyq saqtaý júıesiniń barlyq býyndarynyń jumysy biriktirilgen bolatyn. Osylaısha, biz bolýy múmkin COVID-19 jańa tolqynyna qalanyń barlyq densaýlyq saqtaý qyzmetterin barynsha daıyndaýdy ike asyra aldyq» – dedi onlaın aýdıtorııa aldynda Qamaljan Nadyrov.

Almaty patsıentterdi emdeýge jatqyzýdyń jańa tetikterin eń alǵash engizip, patsıentterdiń jaı-kúıiniń aýyrlyǵyn baǵalaý chek-paraqtaryn jetildirgenin atap ótý kerek. Bul óz kezeginde emdeýge jatqyzý deńgeıin qosymsha retteý quralyna aınaldy, qala statsıonarlaryn ınfektsııalyq jáne provızorlyq dep bólýden bas tartyp, barlyq statsıonarlardy jaraqtaný deńgeıine jáne kadrlyq áleýetine qaraı bólý – eshelondaý qaǵıdatyn engizdi. Almatyda sonymen qatar, klınıkalardy medıtsınalyq ottegimen qamtamasyz etý baǵdarlamasy qabyldanyp, sátti iske asyrylýda.


Semınarda aıtylǵan taǵy da bir jalpyqalalyq baǵdarlama bul – bıoqaýipsizdik, ıaǵnı medıtsınalyq qaldyqtardy joıý jáne káriz aǵyndaryn zararsyzdandyrý boıynsha statsıonarlarda qoldanylatyn tehnologııalar boldy.

Qalada jańa bólimsheler Anestezıologııa jáne reanımatologııa ortalyǵy – reanımatsııalyq patsıentterdi emdeý tıimdiligin arttyrý maqsatynda qurylǵan, ol óz kezeginde saraptamalyq bólimnen jáne anestezıologtar men reanımatologtardan quralǵan mobıldik brıgadadan turady.

Kardıologııa jáne ishki aýrýlar ǵylymı-zertteý ınstıtýtynyń bazasynda Patsıentterdi monıtorıngileý ortalyǵy qurylǵan.

Ol jerde kardıologtar, pýlmonologtar, allergologtar, endokrınologtar sııaqty jetekshi beıindi mamandar ambýlatorııalyq deńgeıde qaýip tobyndaǵy patsıentter men ortasha aýyrlyq jaǵdaıyndaǵy patsıentterge qashyqtan konsýltatsııa berýdi júzege asyrady.

Halyqty psıhıkalyq qoldaý ortalyǵy jumys istedi, sonymen qatar Almaty qalasy Telemedıtsına ortalyǵy quryldy. Telemedıtsına ortalyǵynyń mindeti – COVID-19 bolýy múmkin jáne rastalǵan jaǵdaılarymen patsıentterge dárigerden vıdeo-konsýltatsııa alý múmkindigin iske asyrý jáne olardy monıtorıngileý bolyp tabylady.

Bul jumys syrqattanýshylyqtyń ósý qarqyndylyǵynyń, aýyr jaǵdaıdaǵy patsıentter deńgeıiniń tómendeýi, statsıonarlardyń jaraqtaný sapasynyń artýy, koronavırýstyq ınfektsııamen patsıentterdi emdeý sapasyn arttyrý sııaqty naqty nátıjelerge qol jetkizdi.

Semınardyń ereksheligi – Almaty qalasynyń iske asyryp jatqan densaýlyq saqtaý salasyndaǵy tsıfrlyq ákimshilendirý jobasy boldy. Ony Tsıfrlandyrý basqarmasynyń basshysy Baıan Qońyrbaev kórsetip, tanystyrdy. Onlaın-trenıngke 17 óńirdiń, oblys jáne respýblıkalyq mańyzy bar qala ákimderiniń orynbasarlary, densaýlyq saqtaý basqarmalarynyń basshylary, aýmaqtyq departament basshylary, statsıonarlardyń bas dárigerleri qatysty.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT