Almaty-Bishkek trassasynda benzın tasymaldaıtyn kólik eki mashınamen soqtyǵysty

TALDYQORǴAN. QazAqparat - Almaty-Bishkek tas jolynyń 27-shaqyrymynda eki júk kóligi jáne «Toyota Rrado» avtomashınasy soqtyǵysty. Saldarynan eki adam qaza tapty, dep habarlaıdy QazAqparat tilshisi.

Oqıǵa 4 jeltoqsan kúni keshki saǵat 18.00 shamasynda bolǵan. Aldyn ala boljam boıynsha, janar-jaǵar maı tasıtyn jáne jol talǵamaıtyn kólikter keri burylmaq bolǵanda qarsy baǵytta kele jatqan beton aralastyrǵyshqa soǵylǵan. Jol erejesi boıynsha eki kólik te qarsy kele jatqan kólikti ótkizýi kerek edi.

Beton aralastyrǵysh kólik aldymen, «Toyota Rrado» kóligine soǵylyp, artynsha janar-jaǵar maı tasıtyn kólikke soǵylǵan. Oqıǵa ornynda jol talǵamaıtyn kóliktiń júrgizýshisi men jolaýshysy qaıtys boldy.

«Qazirgi tańda jol kólik oqıǵasy boıynsha QR Qylmystyq Kodeksiniń 345 baby, 4-shi bóligi boıynsha is qozǵalyp tergeý jumystary júrip jatyr. Іs Almaty oblystyq polıtsııa departamenti tergeý basqarmasynyń qadaǵalaýyna aldy», - delingen Almaty oblystyq Polıtsııa departamenti baspasóz qyzmetiniń resmı habarlamasynda.