+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Almaty áýejaıynda jalǵan PTR-test anyqtamasymen 8 adam ustaldy

2021 jylǵy 4 tamyz 16:19
Bólisińiz:
Almaty áýejaıynda jalǵan PTR-test anyqtamasymen 8 adam ustaldy

NUR-SULTAN. QazAqparat – Almaty qalasynda koronavırýsqa qarsy PTR-testiniń jalǵan anyqtamasyn qoldanǵan 8 turǵyn áshkere boldy. Bul týraly Іshki ister mınıstrligi Kóliktegi polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«Azamattar arasynda jalǵan PTR anyqtamalaryn qoldaný tyıylmaı tur. Bul joly kúdikke Almaty qalasynyń 8 turǵyny iligip otyr. 30 shildede Almaty qalasynyń halyqaralyq áýejaıynda kólik polıtseıleri nysan qyzmetkerlerimen birge koronavırýs juqtyrmaǵany týraly jalǵan PTR anyqtamasy bar adamdar tobyn ustady», - dedi Kóliktegi polıtsııa departamenti bastyǵynyń orynbasary Saryqul Jolanov.

Onyń aıtýynsha, ustalǵandardyń barlyǵy Almaty qalasyndaǵy jeke fırmalardyń biriniń qyzmetkeri. Jumys orny olarǵa Dýbaı qalasyna saıahat joldamasyn bergen. Quqyq buzýshylar PTR anyqtamany ınternet arqyly satyp alǵandaryn aıtqan.

«Qazir atalǵan fakti boıynsha Qylmystyq kodekstiń 385-babynyń 3-bóligi (kórineý jalǵan qujatty paıdalaný) boıynsha sotqa deıingi tergeý bastaldy», - dep túıindedi polıtsııa polkovnıgi.

Saryqul Jolanov bul Almaty qalasynyń áýejaıynda tirkelgen 11-inshi oqıǵa ekenin aıtady.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT