Almaty áýejaıynda mas jolaýshy men barmen tóbelesti

ALMATY. QazAqparat – Almaty áýejaıynda mas jolaýshy men barmen tóbelesti, dep habarlaıdy QazAqparat tilshisi.

Uqsas jańalyqtar

SQO-da kombınatqa basyp kirip, jumysshylardy pyshaqtaǵan jeteý sottaldy

Bul vıdeo jelide jarııalandy.

Kóliktegi PD habarlaýynsha, bul oqıǵa 23 qarashada bolǵan.

«Kóliktegi PD Almaty jelilik bólimine Almaty halyqaralyq áýejaıy aýmaǵynda eki adam tóbelesip jatqany jaıly habar tústi. Polıtsııa eki adamnyń kim ekenin anyqtady. Olar 30-31 jastaǵy jolaýshy men barmen ekeni belgili boldy», - dedi departament ókili.

«Almaty-Aqtaý» reısiniń jolaýshysy kútý zalyndaǵy bar ústelinde uıyqtap qalǵan.

Barmen ony oıatqanda jolaýshy tura salysymen dóreki minez kórsetken. Daýdyń arty tóbeleske ulasqan. Zalda bolǵan basqada kýágerler tóbeleskenderdi ajyratyp aldy.

24 qarashada barmen men bar ıesi polıtsııaǵa aryzdandy.

Medıtsınalyq kýálandyrý nátıjesinde jolaýshynyń orta dárejede mas bolǵany anyqtalǵan.

Qazirgi tańda QR QK 293-babynyń 1-bólimimen bul derek sotqa deıingi tergeý isi tizilimine tirkeldi.