Almaty áýejaıynda avıareısterdiń nelikten keshikkeni belgili boldy

ALMATY. QazAqparat – Almatynyń halyqaralyq áýejaıy birqatar avıareısterdiń keshiktirilýine qatysty túsinikteme berdi, dep habarlaıdy QazAqparat.

«Búgin 16 shildede Almatynyń halyqaralyq áýejaıynda reısterdiń keshiktirilýine baılanysty, áýeaılaq qalypty rejimde istep turǵanyn, reısterdi keıinge qaldyrý týraly sheshimderdi avıakompanııalardyń ózderi ǵana qabyldaıtyndyqtaryn esterińizge salamyz. Reısterdiń keıinge qaldyrylýyna ushaqtardyń jetispeýi, tehnıkalyq sebepterge, ushaqtardyń kesh kelýi nemese rezervtegi ekıpajdy kóp kútip qalý sekildi jaǵdaılarǵa baılanysty bolady», - delingen áýejaıdyń Facebook-tegi paraqshasynda jarııalanǵan habarlamada.

Búgin kelesi reıster keıinge qaldyryldy:
AirAstana avıakompanııasynyń «Almaty - Nur-Sultan» KS 853 reısi ushaq jeispegendikten saǵat 13.50-ten 14.30-ge aýystyryldy;
AirAstana avıakompanııasynyń «Almaty – Antalıa» KS 915 reısi tehnıkalyq sebepke baılanysty saǵat 09.45-ten 16.50-ke aýystyryldy;
AirAstana avıakompanııasynyń «Almaty - Nur-Sultan» KS 995 reısi tehnıkalyq sebepke baılanysty saǵat 17.45-ten 22.00-ge aýystyryldy;
Scat avıakompanııasynyń «Almaty – Sanıa» reısi ushaqtyń kesh kelýine baılanysty saǵat 21.00-den 17 shilde saǵat 02.00-ge aýystyryldy.

Avtory Danııar Dáýitálıev