+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Almaty ardagerleri qazaqstandyqtardy Jeńistiń 75 jyldyǵymen quttyqtady

2020 jylǵy 9 mamyr 14:12
Bólisińiz:
Almaty ardagerleri qazaqstandyqtardy Jeńistiń 75 jyldyǵymen quttyqtady

ALMATY. QazAqparat - Maıdangerler men tyl eńbekkerleriniń merekelik beınesıýjeti áleýmettik jelilerde jarııalandy, dep habarlaıdy QazAqparat tilshisi.

15-ten astam ardager otandastaryn Jeńis kúnimen quttyqtap, soǵysta qaza tapqan batyr baýyrlaryn eske alady. Sondaı-aq barsha qazaqstandyqtarǵa zor densaýlyq, beıbit kúnder tilep, elimizdiń odan ári órkendeı berýine tilektestik bildirdi.

Onyń ishinde Ońtústik-Batys maıdanyndaǵy urys qımyldaryna, Stalıngrad shaıqasyna, Kýrsk doǵasyndaǵy shaıqasqa, Dneprdi basyp ótýge, Ýkraınany, Polshany, Chehoslovakııany, Pragany azat etýge, Berlın shabýylyna qatysqan, Qarýly Kúshter sapynda 43 jyl qyzmet etken, 5 orden jáne 35 medalmen, sonyń ishinde Polshanyń, Chehoslovakııanyń, Rýmynııanyń, Ýkraınanyń, Monǵolııanyń memlekettik nagradalarymen marapattalǵan Leonıd Gırsh, 47-shi atqyshtar polkiniń, 15-shi atqyshtar dıvızııasynyń quramynda soǵysqan, atqyshtar vzvodynyń komandıri, ІІ dárejeli «Otan soǵysy» ordenimen, «Belorýssııany azat etkeni úshin», «Germanııany jeńgeni úshin», «Jaýyngerlik eńbegi úshin» medaldarymen marapattalǵan Bıset Majaǵulov, Volhov maıdanynda úsh jyl boıy mergen bolǵan, I jáne II dárejeli «Otan soǵysy», «Qyzyl Juldyz» ordenderiniń, «Jaýyngerlik eńbegi úshin» medaliniń ıegeri Sıraj Ysmaǵulov, Qıyr Shyǵys maıdanynda soǵysqan, ІІ dárejeli «Otan soǵysy» ordenimen, «Erligi úshin» medalimen marapattalǵan – Tashaýhan Álimbekov, Stalıngrad shaıqasyna qatysýshy, «Otan soǵysy» jáne «Qyzyl Juldyz» ordenderiniń, Germanııany jeńgeni úshin, sondaı-aq «Marshal G. Jýkov» medaliniń ıegeri Vasılıı Zınchenko, 3-shi Ýkraın maıdanynda qyzmet etken, 40-shy gvardııalyq dıvızııanyń áskerı-dala hırýrgy, «Otan soǵysy», «Qurmet» ordenderimen, mereıtoılyq medaldarmen marapattalǵan Sofa Izmaılova, 2-shi Belorýss maıdanynda soǵysqan, «Otan soǵysy» ordenimen, «Erligi úshin» medalimen marapattalǵan Qońyr Meńdiqaraev, Polsha men Fınlıandııany azat etýge qatysqan, 1-shi Ýkraın maıdanynda soǵysqan, maıdandaǵy áskerı joryǵyn 1945 jyly Berlınde aıaqtaǵan Stepan Popykın, 277-shi atqyshtar dıvızııasynyń 852-shi polkinde qyzmet etken, Qytaıdyń Qıyr Shyǵys maıdanynda, Manchjýrııada soǵysqan, «Marshal G. K. Jýkov», «Japonııany jeńgeni úshin» medaldaryn ıelengen Fedor Sabaev, Qıyr Shyǵystaǵy japondyqtarǵa qarsy shaıqasqa qatysqan Aleksandr Polkın bar.

Esterińizge sala keteıik, Memleket basshysynyń tapsyrmasyna sáıkes bıyl Jeńistiń 75 jyldyǵy qurmetine Almaty ákimi Baqytjan Saǵyntaevtyń qoldaýymen 18 296 adam 1,3 mlrd teńge kóleminde bir rettik tólem aldy. Sonyń ishinde Ekinshi dúnıejúzilik soǵystyń 202 ardageri men múgedegi 1 mln teńgeden aldy .


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT