+7 (701) 759 90 19
USD 378.86 EUR 416.78
RUB 6.06 CNY 54.62
Jańalyqtar

Almaty ákimi teatrdy týrıster úshin qalaı tartymdy etý kerektigin aıtty

2019 jylǵy 27 qarasha 12:33
Bólisińiz:
Almaty ákimi teatrdy týrıster úshin qalaı tartymdy etý kerektigin aıtty

ALMATY. QazAqparat - Almaty qalasynyń ákimi Baqytjan Saǵyntaev teatrdy týrıster úshin qalaı tartymdy etý kerektigin aıtty, dep habarlaıdy QazAqparat tilshisi.

Uqsas jańalyqtar
Jeltoqsan aıynda «Astana opera» kórermenge qandaı týyndylardy usynady Nursultan Nazarbaev «Tyraýlap ushqan tyrnalar» spektakline bardy Búgin Nur-Sultanda «Farıza» spektakli bolmaı qaldy

Qala basshysy Almatyda teatr ónerin damytý úshin arnaıy strategııa jasalatynyn aıtty.

«Klassıkalyq ónerdi damytý men olardy dotatsııalaý deńgeıin tómendetý úshin Almatyda arnaıy qalanyń teatr ónerin damytý strategııasy jasalady. Basty maqsat – teatrdy tek qala turǵyndary úshin ǵana emes, jaqyn qalalar men elder úshin de tartymdy etý. Biz teatrǵa barý mádenıetin qaıta jańǵyrtýymyz qajet. Buǵan biz aýqymdy álemdik deńgeıdegi sahna, opera jáne balet juldyzdaryn tartyp, teatr festıvaldaryn ótkizý arqyly qol jetkizemiz. Almatynyń mádenı murasy men bilim bazasyn eskersek, qalanyń Ortalyq Azııadaǵy sahna óneriniń ortalyǵy bolýǵa tolyq múmkindigi bar. Osylaısha, Ortalyq Azııanyń túkpir-túkpirinen osy óner túrlerin súıetinderdi tartýǵa bolady. Álemdik deńgeıdegi shedevrler jasaýǵa qajetti áleýet bizde bar, bizdiń mindetimiz – sonyń tolyq ashylýyna jaǵdaı jasaý,-dedi Baqytjan Saǵyntaev.

Sonymen qatar, Baqytjan Saǵyntaev qalanyń damýy úshin úlken áleýetke ıe 8 negizgi shyǵarmashylyq salany atady. Olar: kıno jáne anımatsııa, mýzyka, ádebıet, teatr, dızaın jáne sáýlet, sán, jańa medıa, tsıfrlyq mádenıet, oıyn-saýyq ındýstrııasy - qoǵamdyq oryndar, murajaılar jáne zamanaýı óner.

Baqytjan Saǵyntaevtyń aıtýynsha, Almaty – mýzyka baǵyty boıynsha UNESCO-nyń kreatıvti qalalar jelisine kiretin Ortalyq Azııadaǵy jalǵyz qala.

«Bizdiń ánshilerimiz ishki jáne syrtqy naryqta suranysqa ıe týyndylar jasaı alatynyn san márte dáleldedi. Sondyqtan ındýstrııa, memleket, bıznes jáne bilim berý ókilderiniń birlesýimen almatylyq mýzykanttardy qoldaý úshin arnaıy platformalar qurylatyn bolady. Jasalǵan ónimder - iTunes, yandex, spotify taǵy da basqa zamanaýı sandyq quraldar arqyly taratylady», - dedi ákim.

Bizdiń kanalymyzǵa jazylyńyz:

Basty sózder: Almaty, Ákim, Óner,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT