Almaty ákimdiginiń qurylymyna ózgerister engizildi
2022 jylǵy 24 maýsym 17:14

Almaty ákimdiginiń qurylymyna ózgerister engizildi

ALMATY. QazAqparat - Almaty qalasy ákimdigi máslıhatynyń qalany basqarý syzbasyn bekitý týraly (04.03.2022 j.) sheshimi jáne ákimdiktiń qala ákimdiginiń qurylymdyq bólimshelerin qaıta uıymdastyrý jáne qaıta ataý týraly (09.03.2022 j.) qaýlysy negizinde Almaty qalasy ákimdiginiń qurylymyna ózgerister engizildi, dep habarlaıdy QazAqparat.

Almaty ákimdiginiń habarlaýynsha, osyǵan qaraı áleýmettik ál-aýqat basqarmasy odan eńbek ınspektsııasy basqarmasyn bólý arqyly qaıta quryldy;

- strategııa jáne bıýdjet basqarmasy qarjy basqarmasy men ekonomıka basqarmasyna bóliný arqyly qaıta quryldy;

- kreatıvti ındýstrııalar basqarmasy jastarmen jumys jónindegi fýnktsııalardy keńeıte otyryp, jastar saıasaty basqarmasy bolyp qaıta quryldy;

- energııa tıimdiligi jáne ınfraqurylymdyq damý basqarmasy energetıka jáne sýmen jabdyqtaý basqarmasy bolyp qaıta ataldy;

- turǵyn úı saıasaty basqarmasy kommýnaldyq ınfraqurylymdy damytý basqarmasy bolyp ózgertildi;

- jasyl ekonomıka basqarmasy ekologııa jáne qorshaǵan orta basqarmasy bolyp qaıta ataldy;

- jaıly qalalyq orta basqarmasy – qurylys basqarmasy bolyp ózgertildi;

- qoǵamdyq densaýlyq basqarmasy – qoǵamdyq densaýlyq saqtaý basqarmasy bolyp qaıta ataldy.


Uqsas jańalyqtar
Almaty taýlarynda adasyp ketken aǵylshyn azamaty tabyldy
2022 jylǵy 10 tamyz 14:10

Almaty taýlarynda adasyp ketken aǵylshyn azamaty tabyldy

ALMATY. QazAqparat – «Chımbýlachka» shyńynda adasyp ketken aǵylshyn azamaty tabyldy, dep habarlaıdy QazAqparat tilshisi.

Almaty qalasynyń qutqarý qyzmetiniń málimetinshe, 9 tamyz kúni saǵat 21:08-de tótenshe jaǵdaılar departamentinen «Chımbýlachka» shyńynan túsip bara jatqan kezinde 1979 jyly týǵan Ulybrıtanııalyq Makogon Romannyń adasyp ketkeni týraly habarlama túsken.

«Іzdestirý jumysyna «Tuıyq sý» lagerinen ekıpaj jolǵa shyǵady. Saǵat 22:44-te qutqarýshylar adasqan adammen vızýaldy baılanys ornatqan (ol taýdyń arǵy jaǵynda boldy). Eki jaq kezdesý ornyna deıin qozǵalysty jalǵastyrǵan. Saǵat 00:30-da qutqarýshylar adasyp ketken adammen kezdesip, tómenge túse bastaıdy.

Saǵat 02:45-te olar «Shymbulaq» taý-shańǵy kýrortyna keledi. Munda aǵylshyn azamatyn áıeli kútip aldy. Sondaı-aq oǵan medıtsınalyq kómek qajet bolǵan joq»,- delinedi Almaty qalasynyń qutqarý qyzmetiniń habarlamasynda.


Abaı kúni: Almatyda uly aqynnyń shyǵarmalary metroda oryndaldy
2022 jylǵy 10 tamyz 14:00

Abaı kúni: Almatyda uly aqynnyń shyǵarmalary metroda oryndaldy

ALMATY. QazAqparat - «Alataý» dástúrli óner teatrynyń ártisteri metroǵa túsip, uly aqynnyń shyǵarmalaryn mýzykalyq aspaptardyń súıemeldeýimen oryndady, dep habarlaıdy QazAqparat tilshisi.

Almatyda Abaı kúni atalyp ótip jatyr. Osy aıtýly dataǵa oraı, «Alataý» dástúrli óner teatrynyń ártisteri metroǵa túsip, uly aqynnyń shyǵarmalaryn mýzykalyq aspaptardyń súıemeldeýimen oryndady.

Aıtysker aqyn Rınat Zaıytovtyń aıtýynsha, Abaı kúni tek qaǵaz betinde ǵana qalmaýy kerek, onyń shyǵarmalaryn halyqtyń ortasyna shyǵyp nasııhattaý qajet.

«Búgin «Alataý» dástúrli óner teatrynyń ónerpazdary metroda Abaı atamyzdyń shyǵarmalaryn naqyshyna keltirip oryndady. Jolaýshylar óte rıza boldy. Meniń oıymsha, Abaıdy ártúrli baǵytta nasıhattaýǵa bolady. Óskeleń urpaqqa uly aqynnyń shyǵarmalaryn, ánin osylaı da jetkizýge bolady»,- deıdi «Alataý» dástúrli óner teatrynyń dırektory Rınat Zaıytov.


Almatyǵa kúzde QazVac pen Pfizer vaktsınasynyń 60 myńǵa jýyq dozasy jetkiziledi
2022 jylǵy 9 tamyz 14:41

Almatyǵa kúzde QazVac pen Pfizer vaktsınasynyń 60 myńǵa jýyq dozasy jetkiziledi

ALMATY. QazAqparat- Almatyǵa qyrkúıek pen qazan aılarynda QazVac jáne Pfizer vaktsınalary jetkizildi. Bul týraly onlaın brıfıng barysynda qalalyq qoǵamdyq densaýlyq saqtaý basqarmasynyń ókili Gúljaınat Tilegen aıtty, dep habarlaıdy QazAqparat tilshisi.

Spıkerdiń sózinshe, egý pýkterinde vaktsına jetkilikti.

«Búgingi tańda bizde QazVas vaktsınasynyń – 2 myńǵa jýyq dozasy, Vero Cell Sınofarmnyń – 52658 myń dozacy bar. Al Pfizer vaktsınasynyń eki myńǵa jýyq dozasy bar»,- deıdi dáriger.

Qyrkúıek pen qazan aılarynda Almatyǵa Qaz Vac-tyń 28 200 dozasy jáne Pfizer-diń (Comirnaty) 26 910 dozasy túsedi dep kútilýde. Sońǵy preparat ásirese jasóspirimderge, júkti jáne bala emizetin áıelderge arnalǵan.

«Buǵan deıin Pfizer vaktsınasyn alýǵa nıet bildirgen turǵyndardyń bárine saldyq. Qazir ony shektedik. Endi ol úsh sanattaǵy azamattarǵa ǵana egiledi. Atap aıtqanda, jasóspirimderge, júkti jáne bala emizetin áıelder»,- deıdi Gúljaınat Tilegen.


Jańalyqtar

Úrdis

MURAǴAT