+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almaty ákimdigi máıithana mańyndaǵy jaǵdaıdy túsindirdi

2020 jylǵy 7 shilde 19:05
Bólisińiz:
Almaty ákimdigi máıithana mańyndaǵy jaǵdaıdy túsindirdi

ALMATY. QazAqparat - Almaty ákimdigi qala turǵyndaryna máıithana janynda toptalyp júrmeýge shaqyrdy, dep habarlaıdy QazAqparat tilshisi Qalalyq patologoanatomııalyq bıýro janyna toptalyp jınalǵan turǵyndarǵa qatysty Almaty qalasy Qoǵamdyq densaýlyq basqarmasy túsinik berdi.

«Qurmetti qala turǵyndary, eń aldymen, marqumdardyń týystary men jaqyndaryna kóńil aıtamyz! Dúrligý keıde 2-den 10 adamǵa deıin týystardyń toptalyp júrýine baılanysty týyndaıdy. Shynymen, jaqynyn joǵaltyp, aýyr kúıde júrgendikten, bıýro qaqpasynda dúrbeleń, abyrjý, ý-shý oryn alýda», - dedi Almaty qalasy Qoǵamdyq densaýlyq basqarmasynyń ShJQ «Qalalyq patologoanatomııalyq bıýro» KMK dırektory Baqytjan Álibekov.

Ol halyqty qaýipsizdik sharalary men karantın, sanıtarııalyq-epıdemıologııalyq talaptardy saqtaýǵa shaqyrdy.

«Qala turǵyndaryn koronavırýs ınfektsııasynyń kezekte turǵan adamdar arasynda juǵý qaýpin boldyrmaý úshin, qashyqtyqty saqtap, maska taǵý rejımin saqtaýǵa shaqyramyz. Patologoanatomııalyq bıýro qyzmetkerleri týystaryna shyǵyp, máıitti berý tártibi týraly habardar etip, túsindirý jumystaryn júrgizedi» – dedi Almaty qalasy Qoǵamdyq densaýlyq basqarmasynyń ShJQ «Qalalyq patologoanatomııalyq bıýro» KMK dırektory Baqytjan Álibekov.

»Qaıtys bolǵandardyń denesi Qalalyq patologoanatomııalyq bıýroǵa túskennen keıin 12 saǵat ishinde qaıtarylady. Medıtsınalyq mekeme qaıtys bolý sebepterin anyqtaý jáne qaıtys bolǵan adam jaıly senimdi derekter berý úshin máıitti atalmysh uıymǵa tapsyrady. Bul qosymsha ýaqytty qajet etedi«, - dedi bıýro basshysy.

Barlyq suraqtar boıynsha turǵyndar 246-62-70 baılanys nómiri arqyly aqparat alýǵa bolady.

«Qalalyq patologoanatomııalyq bıýro» máıitterdi berý jóninde mobıldi top uıymdastyrdy. Bul top qyzmetkerleri karantın rejımin saqtaý maqsatynda kóshede (qaqpanyń janynda) qaıtys bolǵan adamdardyń málimetterin salystyryp, tirkeýdi júzege asyryp jatyr.

Aıta ketý kerek, búgin áleýmettik jelide máıithana mańynda toptalǵan adamdardyń vıdeosy taraldy. Olar « 1 táýlikten beri týysynyń denesin ala almaı júrmiz» dep shaǵymdandy.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT