+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Almasbek Kýpaev: Prezıdenttik kadr jastar rezervi – múmkindikter kókjıegi

2020 jylǵy 5 aqpan 06:33
Bólisińiz:

NUR-SULTAN. QazAqparat - Qyzylorda oblysy Jalaǵash aýdanynyń turǵyny Almasbek Kýpaev Prezıdenttik kadr jastar rezervi jaıynda oı-pikirin bildirdi.

Ol Syr óńirinen atalmysh memlekettik mańyzy bar sharada baq synaǵan bolatyn, dep habarlaıdy QazAqparat tilshisi.

«QR Prezıdenti Qasym-Jomart Toqaevtyń Qazaqstan halqyna Joldaýynda aıtylǵan atalmysh joba jaıynda estigen edim. Alǵashqyda tolqydym. Onda bilimdi talaı jastyń bilimi men biliktiligi báıgege túserin jaqsy bildim. Dese de men de sol sharada óz baǵymdy synap kórýge bel býdym. Árıne, ol úlken jaýapkershilik ekeni belgili. Synaqqa barynsha daıyndyq jasadym. Mejeli kún de kelip jetti. Ózim qatarlas jastarmen birge sol synaqqa qatystym. Shynyn aıtý kerek, alǵan bilimimniń arqasynda ózimdi jaqsy qyrymnan kórsete aldym dep oılaımyn. Qanshama mamandar keldi. Olar árbir úmitkerdiń deńgeıin ádil túrde tarazylady. Eshqandaı bura tartý jaǵdaıyn kórgen baıqamadym. Ózim sol synaqtyń birneshe satysynan óttim. Oǵan kózim aıqyn jetti. Ózim Qaraǵandy memlekettik ýnıversıtetinde pedagogıka salasy boıynsha bilim aldym. Qazir aýdandaǵy Jalaǵash psıhologııalyq-medıtsınalyq arnaıy pedagogıkalyq konsýltatsııasy memlekettik mekemesinde basshy qyzmetin atqaramyn», - dedi Almasbek Kýpaev.

Onyń aıtýynsha, birneshe kezeńge sozylǵan synaq barysynda árbir úmitker ózin jan-jaqty kórsetýge múmkindik alǵan. Ózgeler sekildi Almasbek te árbirine jan-jaqty daıyndyǵyn júrgizgen.

«Árbir kezeńniń ózine tán jaýapkershiligi men qıyndyǵy boldy. Elordadadan jyraqta júrgen bizder úshin qabilet pen qarym, bilim men biliktilikti kórsetý ońaıǵa soqpasy anyq edi. Mundaı synaqqa úmit bildirgen jastardyń qarasy qalyń. Árbir kezeńniń ózinen óte almaı qalǵandary da kezdesti. Jaqsy daıyndyqtyń arqasynda men birneshe kezeńnen súrinbeı óttim. Alǵashqy kezeńderdegi logıkalyq suraqtar, joba qorǵaý sekildi synaqta ózimdi barynsha jaqsy qyrymnan kórsetýge kúsh saldym. Jobany qorǵaý satysynda ózim eńbek etip júrgen pedagogıka salasyndaǵy ınklıýzıvti bilim berý taqyrybynda oıymdy jetkizdim. Qazir bizde múmkindigi shekteýli órender úıden bilim alýǵa májbúr. Men óz jobamda olardy mektepte bilim alýyna jaǵdaı jasaý týraly aıttym. Ol maqsatta arnaıy mamandar daıyndaý qajettigine toqtaldym.

Aıta keterligi, bizde tıýter degen mamandar daıyndala bermeıdi. Ol defektologııa mamandyǵy boıynsha arnaıy kýrs retinde ǵana oqytylady. Bul jobam joǵary baǵalandy. Odan keıingi esse jazý da eńbegim jaqsy dep baǵalanyp, synaqtyń sońǵy kezeńine jettim. Onda túrli sala ókilderinen quralǵan komıssııa aldynda áńgimelesý júrgizildi. Bul kezeńde san alýan taqyryptar boıynsha saýaldarǵa laıyqty jaýap qaıtardym. Men alǵashqyda Prezıdenttik jastar rezerv sharasyna qatysýǵa júreksingen bolatynmyn. Synaqtardy tapsyrý barysynda barlyǵynyń ádil ótkenine kózimdi jetkizdim. Elimizde bilimdi, bilikti jastardyń kóp ekenin ańǵardym», - dedim A.Kýpaev.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT