+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Almasaılyqtar abyr-sabyr: ShQO-daǵy aýylda saılaý qalaı ótip jatyr

2021 jylǵy 25 shilde 13:31
Bólisińiz:
Almasaılyqtar abyr-sabyr: ShQO-daǵy aýylda saılaý qalaı ótip jatyr

ÓSKEMEN. QazAqparat – Búgin elimizde tuńǵysh ret aýyl ákimderiniń saılaýy ótýde. Shyǵys Qazaqstan oblysyndaǵy eldi mekender halqy osyndaı mańyzdy sátte tasada qalmaı, bir kisideı daýys berip jatyr. Osy rette, QazAqparat tilshisi Ulan aýdany Almasaı aýyldyq okrýgine baryp, saılaýdyń qalaı ótip jatqanyn kórip qaıtty.

Uqsas jańalyqtar
Shyǵys Qazaqstanda bıyl 70-ten astam monsha órtendi Buqtyrmadaǵy demalys bazasynan shyqqan órt ormanǵa jaıylyp kete jazdady Óskemende 3 kólik soqtyǵysty

Prezıdent Qasym-Jomart Toqaevtyń bastamasymen ótkizilip otyrǵan aýyl ákimderiniń tikeleı saılaýy 25 shilde kúni bolatyndyǵynan aýyl jurtshylyǵy burynnan habardar. Týǵan jeriniń keleshegine nemquraıly qaramaıtyn buqara ózi senim bildirgen kandıdatqa daýys berý úshin búgingi demalys kúninde sál-pál erte oıandy. Sóıtip, Almasaı aýyldyq okrýginiń bolashaq ákimi anyqtalatyn saılaý tańǵy saǵat 07.00-de ánuranmen bastaldy.

Aýyl turǵyndary 3 kandıdattyń birin tańdaı alady. Olar: Saıat Asanov, Aıjan Malımbaeva, Saıat Turarbaev. Sondaı-aq saılaý bıýlletenderine «bárine qarsymyn» jazýy engizilgen.


Daýys berýge kelgen azamattardyń jas shamasy ár túrli. Olardyń arasynda jastar da qarttar da bar. Barlyǵynyń kózdegeni bir – aýyldyń kórkeıýi úshin baryn salatyn basshyny tańdaý.

«Osyndaı saılaýdyń ótip jatqanyn muqym el qoldap otyr. Aýylymyzǵa Almasaıdyń tynys-tirshiliginen habardar ákim kelse deımiz. Sebebi ol mundaǵy máselelerdi jaqsy biledi, halyqtyń muń-muqtajyn eskerýsiz qaldyrmaıdy dep senemin. Osy aýylda 50 jyldan astam ýaqyt turamyn. Bir úıden 4 adam kelip, daýys berdik», - deıdi Almasaı aýylynyń turǵyny Málik Ibraev.

Almasaı aýyldyq okrýginde 1400-ge jýyq adam turady. Munda 2 mektep, 2 feldsherlik-akýsherlik pýnkt, 4 dúken, mádenıet úıi men naýbaıhana bar. Naýbaıhana halyqty túgel nanmen qamtamasyz etýde.


«Ákimdi halyq saılaıtyny óte durys bastama boldy. Buryndaǵy sııaqty taǵaıyndala salǵannan góri, jurttyń yqylasymen qyzmetke kirisken adam jaýapkershilikti sezinip, el ıgiligi úshin ter tógedi dep oılaımyn. Osydan keıin aýylymyzda oń ózgerister bolatynyna kámil senemiz. Jastar jumyspen qamtylyp, jol jóndelip, jaǵdaıy nashar otbasylarǵa baspana berilse nur ústine nur bolar edi. Ózim kópbalaly anamyn. 11 bala tárbıelep, uldarymdy uıaǵa, qyzdarymdy qııaǵa qondyrdym», - deıdi «Altyn alqa» ıegeri Baıan Sábıtova.

Almasaılyqtardyń arasynda mal sharýashylyǵymen aınalysyp, nápaqasyn taýyp júrgender az emes. Solardyń biri – «Qabdrazaq» sharýa qojalyǵynyń basshysy Nurtilek Saǵatov.

«Aýyldy bes saýsaǵyndaı jaqsy biletin, turǵyndarymen etene tanys azamattyń ákim bolǵany quba-qup. Sondaı adam aýyldyń damý jolynda eńbek etedi. Almasaıda atqarylar jumys az emes. Balalarǵa oıyn alańdary, jastarǵa sport nysandary salynsa degen tilegimiz bar. Osy rette, aıta ketetin másele – qoqys tógetin orynnyń Saryózek ózenine tym jaqyn ornalasqandyǵy. Ony basqa jerge kóshirý kerek. Óıtkeni erteń qoqys jaıylyp, ózenge jetse mal aýyryp, úlken qıyndyqtar týdyrýy múmkin. Mine, jańa ákim osyndaı olqylyqtardyń ornyn tolyqtyrady degen senimdemiz», - deıdi ol.


№963 Almasaı ýchaskelik saılaý komıssııasynyń múshesi Toǵjan Júnisbaevanyń aıtýynsha, tańerteńnen beri daýys berýge kelip jatqan adamdardyń qarasy birshama. Túske deıin júzden astam turǵyn óz tańdaýyn jasap ketti.

«Saılaý barlyq talapqa sáıkes ótýde. Turǵyndar maska rejımi men áleýmettik araqashyqtyqty saqtaýda. Jurtshylyqtyń belsendiligi joǵary», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT