+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Alık Aıdarbaev: «QazTransOıl» men «QazTransGaz» ózdiginen jumys isteıtin deńgeıge jetti

2020 jylǵy 4 maýsym 22:07
Bólisińiz:
Alık Aıdarbaev: «QazTransOıl» men «QazTransGaz»  ózdiginen jumys isteıtin deńgeıge jetti

NUR-SULTAN. QazAqparat – «QazMunaıGaz» UK» AQ Basqarma tóraǵasy Alık Aıdarbaev kompanııa qurylymdaryn ary qaraı ońtaılandyrýǵa qatysty usynystardy engizdi, dep habarlaıdy QazAqparat tilshisi.

«Biz daǵdarystan keıingi kezeńge daıyndyq jasap jatyrmyz. Kompanııanyń qarjylyq jaǵdaıyn qoldaý úshin jekeshelendirý baǵdarlamalary sekildi birqatar shara qaıta qaralady. Sonymen birge «QazMunaıGaz» qurylymdaryn ary qaraı ońtaılandyrýǵa qatysty usynystar bar. Qurmetti Nursultan Ábishuly! Sizdiń basshylyǵyńyzben táýelsizdik jyldarynan beri munaı men gaz boıynsha qýatty kólik ınfraqurylymy jasaldy. Keńqııaq-Atyraý sekildi munaı qubyrlary salyndy. Atyraý-Samar munaı qubyrynyń ótkizý qýaty artty. Qazaqstan – Qytaı, Beıneý – Shymkent, Saryarqa gaz qubyr jelileri salyndy. Osy ınfraqurylymnyń bári de qazirgi tańda bizdiń enshiles eki kompanııaǵa – «QazTransOıl» men «QazTransGazǵa» tıesili. Osy eki kompanııanyń «QazMunaıGaz» quramynda bolýy tolyǵymen ózin-ózi aqtady. Resýrstardyń bárin bir ortalyqqa baǵyttaý kerek boldy. Qazirgi ýaqytta osy eki kompanııa qazir ózdiginen jumys isteıtin deńgeıge jetti», - dedi Alık Aıdarbaev Elbasy Nursultan Nazarbaevtyń tóraǵalyǵymen ótken «Samuryq-Qazyna» keńesiniń otyrysynda.

Osyǵan baılanysty Alık Aıdarbaev alǵashqy kezeńde «QazTransGaz» kompanııasyn ǵana «QazMunaıGazǵa» tikeleı baǵynyshty kúıinde qaldyrýdy usyndy.

«Bul – birinshiden basqarý deńgeıin qysqartýǵa, ekinshiden «QazMunaıGaz» ІRO-ǵa shyqqan jaǵdaıda ınfraqurylymdyq jobalardy memleket menshigine qaldyrýǵa jol ashady. Úshinshiden «QazMunaıGazdyń» ózi munaı men gazdy óndirip, óńdeı alatyndaı barlaý jumysyn kúsheıtkeni jón. Shet elderdiń tájirıbesi ádette kólik ınfraqurylymdarynyń jeke jumys júrgizip, memleket menshiginde qalǵany abzal ekenin kórsetip otyr», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT