+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Alık Aıdarbaev: «QazMunaıGazda» qıyndyqqa tótep bere alatyn qor bar

2020 jylǵy 4 maýsym 22:19
Bólisińiz:
Alık Aıdarbaev: «QazMunaıGazda» qıyndyqqa tótep bere alatyn qor bar

NUR-SULTAN. QazAqparat – «QazMunaıGaz» UK AQ Basqarma tóraǵasy Alık Aıdarbaev kompanııa barlyq qıyndyqty eńseretinin málim etti, dep habarlaıdy QazAqparat tilshisi.

«QazMunaıGaz» basshysy OPEK+ elderi munaı óndirisin azaıtý týraly kelisimge kelip, Qazaqstan bul sheshimge qoldaý bildirgenin jetkizdi.

«Sol sebepti munaı óndirisiniń azaıyp, munaı ónimderine suranys azaıyp bara jatqandyqtan jyldyń sońynda bizdiń óndiristik ári qarjylyq kórsetkishter joǵary bolmaıtynyn boljap otyrmyz. Alaıda biz jaǵdaı sonshalyqty ýshyqty deı almaımyz. «QazMunaıGazda» qıyndyqqa shydas beretin qory bar. Biz ony enshiles kompanııalardy ishinara qoldaý úshin paıdalanatyn bolamyz», - dedi Alık Aıdarbaev Elbasy Nursultan Nazarbaevtyń tóraǵalyǵymen ótken «Samuryq-Qazyna» keńesiniń otyrysynda.

«QazMunaıGaz» basshysynyń aıtýynsha jahandyq daǵdarys qazir dúnıe júziniń barlyq memleketine aýyr saldaryn tıgizgen.

«Siz (Nursultan Nazarbaevqa) jaqynda jumys tártibin qaıta qalyptastyryp, jańa ádis-tásilderdi qoldaný qajet dep atap ótken edińiz. Biz osy jumysty qolǵa aldyq. Daǵdarysty eńserý úshin bizdiń múmkindigimiz jetkilikti. Úkimet «Samuryq-qazyna» qorymen kúsh biriktire otyryp, «QazMunaıGaz» barlyq qıyndyqty eńserip, el ıgiligi úshin jumysty jalǵastyratynyna senimdimin», - dedi ol.

Óz kezeginde Elbasy Nursultan Nazarbaev «QazMunaıGaz» - «Samuryq-Qazyna» qorynyń quramyndaǵy eń úlken kompanııa ekenin atap ótti.

«Sondyqtan myna ýaqytta árıne ońaı bolmaıdy. Dúnıe júzindegi barlyq kompanııamen birge kóretin qıyndyq. Birge eńserý kerek. Osy jumystyń bárin ary qaraı jalǵastyra berińiz», - dedi Elbasy.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT