Alık Aıdarbaev «QazMunaıGaz» AQ basqarma tóraǵasy bolyp taǵaıyndaldy

ASTANA. QazAqparat - Búgin «Samuryq-Qazyna» Ulttyq ál-aýqat qory» AQ basqarma tóraǵasy Ahmetjan Esimov «QazMunaıGaz» UK» AQ jańa basqarma tóraǵasyn tanystyrdy. Jańa basshy - Alık Aıdarbaev.

A. Aıdarbaev ár jyldarda «Ońtústik Munaıgaz» MAQ, «Qumkól-LÝKOIL» (kásiporynnyń aty keıinnen «Torǵaı Petrolıým» JAQ dep ózgertildi), «Mańǵystaýmunaıgaz» AQ, «QazMunaıGaz» UK» AQ kompanııalarynda basshy laýazymdaryn atqarǵan. 2011-2013 jyldary «QazMunaıGaz» BÓ» AQ bas dırektory bolǵan.

2013 jyldan 2017 jylǵa deıin Mańǵystaý oblysynyń ákimi, 2017 jyldyń naýryzynan 2018 jyldyń qańtaryna deıin QR Investıtsııalar jáne damý birinshi vıtse-mınıstri boldy. 2018 jylǵy 15 qańtardan beri «Samuryq-Qazyna» Ulttyq ál-aýqat qory» AQ basqarma tóraǵasynyń orynbasary laýazymyn atqaryp keldi.

foto:www.kmg.kz