Álıhan Smaıylov Ózbekstan Premer-Mınıstri Abdýlla Arıpovpen telefon arqyly sóılesti
2022 jylǵy 11 qańtar 21:32

Álıhan Smaıylov Ózbekstan Premer-Mınıstri Abdýlla Arıpovpen telefon arqyly sóılesti

NUR-SULTAN. QazAqparat - Qazaqstan Respýblıkasynyń Premer-Mınıstri Álıhan Smaıylov Ózbekstan Respýblıkasynyń Premer-Mınıstri Abdýlla Arıpovpen telefon arqyly sóılesti, dep habarlaıdy QazAqparat primeminister.kz-ge silteme jasap.

Ózbekstan Respýblıkasynyń Premer-Mınıstri A. Arıpov Á. Smaıylovty Qazaqstan Respýblıkasynyń Premer-Mınıstri laýazymyna taǵaıyndalýymen quttyqtady. Taraptar strategııalyq áriptestikti ekijaqty jáne kópjaqty formatta odan ári nyǵaıtýǵa daıyn ekendikterin bildirdi.

«Qazaqstan Úkimeti baýyrlas Ózbekstan Respýblıkasymen strategııalyq seriktestikti tereńdetý baǵytyn berik ustanady. Biz buǵan deıin qol jetkizilgen ýaǵdalastyqtardy iske asyrýǵa barynsha daıynbyz. Yntymaqtastyqtyń ekijaqty kún tártibiniń aıasynda belgilengen josparlar birlesken kúsh-jigerimizdiń arqasynda iske asyrylatynyna senimdimin», - dedi Á. Smaıylov.
Ózbekstan – Qazaqstannyń iri saýda seriktesteriniń biri. Ortalyq Azııadaǵy barlyq óńirlik saýdanyń 70%-ǵa jýyǵy QR men ÓR-ǵa tıesili. 2021 jyldyń 10 aıynda ekijaqty saýda kólemi $3,26 mlrd qurady, bul 2020 jyldyń sáıkes kezeńindegi kórsetkishten 30%-ǵa joǵary. 2021 jyldyń qorytyndysy boıynsha Ózbekstan Qazaqstannyń eń iri 5 saýda seriktesiniń qataryna kire alady.

Jańalyqtar

MURAǴAT