Álıhan Smaıylov memorgandarǵa spıkerlerdiń sapaly pýlyn qurýdy tapsyrdy
2022 jylǵy 28 maýsym 10:57

Álıhan Smaıylov memorgandarǵa spıkerlerdiń sapaly pýlyn qurýdy tapsyrdy

NUR-SULTAN. QazAqparat – Barlyq ortalyq jáne jergilikti atqarýshy organdar mamandanǵan spıkerlerdiń sapaly pýlyn qurýy tıis. Mundaı tapsyrmany QR Premer-Mınıstr Álıhan Smaıylov berdi, dep habarlaıdy QazAqparat tilshisi.

«Halyq únine qulaq asatyn memleketti» qalyptastyrý úshin ashyq aqparattyq keńistikti durys paıdalanyp, áleýmettik jeliler men blogosferanyń rólin eskerý mańyzdy ekenin túsinýimiz kerek. Qoǵamdyq baqylaý fýnktsııasyn oryndaı otyryp, jýrnalıster bıliktiń barlyq tarmaǵy jumysynyń tıimdiligin arttyra alady», - dedi Álıhan Smaıylov búgin Úkimet otyrysynda.

Úkimet basshysy bul rette baspasózben birlese jumys júrgizýge naqty qadamdar jasaý qajettigin basa aıtty.

«Barlyq ortalyq jáne jergilikti atqarýshy organdarǵa, vedomstvolardyń salalyq qyzmetine mamandanǵan spıkerlerdiń sapaly pýlyn qurýdy tapsyramyn. Olar memlekettik organdardyń qyzmeti týraly turaqty túrde túsindirý jumystaryn júrgizip otyrýy tıis», - dedi ol.


Jańalyqtar

Úrdis

MURAǴAT