+7 (701) 759 90 19
USD 405.66 EUR 454.70
RUB 5.71 CNY 57.43
Jańalyqtar

Álıhan Smaıylov qaı mınıstrlikter bıýdjetti ıgere almaı jatqanyn aıtty

2019 jylǵy 14 qazan 09:48
Bólisińiz:
Álıhan Smaıylov qaı mınıstrlikter bıýdjetti ıgere almaı jatqanyn aıtty

NUR-SULTAN. QazAqparat - Premer-mınıstrdiń birinshi orynbasary - Qarjy mınıstri Álıhan Smaıylov jyl basynan bergi toǵyz aıda memlekettik bıýdjettiń kirisi 15 paıyzǵa óskenin málim etti, dep habarlaıdy QazAqparat tilshisi.

«Respýblıkalyq bıýdjet 19% jáne jergilikti bıýdjetter 7% óskenin atap ótý kerek. Ulttyq qordyń aktıvteri 2018 jyldyń 9 aıymen salystyrǵanda 15 paıyzǵa ósip, 26 trln 447 mlrd teńgeni qurady. Shyǵyndar bıýdjettiń barlyq deńgeılerinde joǵary protsentpen ıgerildi. Esepti kezeńniń kórsetkishteri osy jyldy joǵary deńgeıde aıaqtaýǵa barlyq múmkindik bar ekenin kórsetedi», - dedi Álıhan Smaıylov Úkimet otyrysynda.

Onyń aıtýynsha, jyl basynan beri respýblıkalyq bıýdjetke 4 trln 817 mlrd teńge tabys túsken. Bul jospardan 61 mlrd teńgege kóp.

«2018 jylǵy 1 qazandaǵy jaǵdaımen salystyrǵanda kiristiń ósý qarqyny 118,5%, ıaǵnı 751 mlrd teńgeni qurady. Bul somanyń 738 mlrd teńgesi - salyq. Salyq bólinisinde negizgi ósý qosylǵan qun - 421 mlrd teńge, korporatıvtik tabys - 184 mlrd teńge jáne halyqaralyq saýda men syrtqy operatsııalarǵa salynatyn 125 mlrd teńge salyqqa keledi», - dedi ol.

Álıhan Smaıylov atap ótkendeı, kiris boıynsha jospar Nur-Sultan qalasyn qospaǵanda barlyq óńirlerde artyǵymen oryndalǵan.

«Al respýblıkalyq bıýdjettiń shyǵyndary 8 trln 541 mlrd teńgeni qurady. Oryndalmaý somasy - 14,3 mlrd teńge. Onyń 5,7 mlrd teńgesi - únemdelgen qarajat. 8,6 mlrd teńge ıgerilmeı jatyr. Bul 2018 jyldyń 9 aıymen salystyrǵanda bes ese az. Eń kóp ıgerilmegen soma myna ákimshilerde qalyptasty: Ekologııa, geologııa jáne tabıǵı resýrstar mınıstrligi - 1,5 mlrd teńge, Joǵarǵy sot - 1,2 mlrd teńge, Mádenıet jáne sport mınıstrligi - 992 mln teńge, Saýda jáne ıntegratsııa mınıstrligi - 947 mln teńge. Qarjy ıgermeýdiń negizgi sebepteri - konkýrstyq rásimderdi uzaq ótkizý, oryndalǵan jumys aktilerin ýaqtyly usynbaý, qazynashylyq organdaryna tirkeýge sharttar men qosymsha kelisimderdi kesh usyný», - dedi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT