+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Álıhan Smaıylov EEK Keńesiniń onlaın otyrysyna qatysty

2020 jylǵy 27 qarasha 11:21
Bólisińiz:
Álıhan Smaıylov EEK Keńesiniń onlaın otyrysyna qatysty

NUR-SULTAN. QazAqparat - Ushaqtar men olardyń qosalqy bólshekterin áketý merzimin uzartý, EAEO-da jumys izdeý úshin biryńǵaı alań qurý, memlekettik satyp alý úshin taýarlardyń shyǵarylǵan elin anyqtaý. Osy jáne taǵy basqa máselelerdi Eýrazııalyq ekonomıkalyq odaqqa múshe memleketterdiń premer-mınıstrleriniń orynbasarlary Eýrazııalyq ekonomıkalyq komıssııa keńesiniń onlaın otyrysynda talqylady. Qazaqstandyq tarap Premer-Mınıstrdiń birinshi orynbasary Álıhan Smaıylov tóraǵalyǵymen qatysty, dep habarlaıdy QazAqparat primeminister.kz-ke silteme jasap.

Jalpy, qatysýshylar halyqaralyq yntymaqtastyq, memlekettik satyp alý, tehnıkalyq jáne kedendik retteý salalaryndaǵy 33 máseleni qarady.

Atap aıtqanda, EEK Keńesiniń sheshimimen ushaqtar men olardyń qosalqy bólshekterin ýaqytsha áketý merzimi 1 jylǵa deıin uzartyldy, bul shara 2020-2021 jyldar ishinde qoldanylatyn bolady. Búginge deıin buryn jóndeý nemese tehnıkalyq qyzmet kórsetý úshin áketilgen ushaqtar men olardyń qosalqy bólshekteri (onyń ishinde qozǵaltqyshtar) qaıta ákelý kezinde olardy 6 aı ishinde keri ákelý shartymen kedendik ákelý bajdaryn tóleýden bosatylatyn. Biraq, karantındik shekteýlerdi eskere otyryp, belgilengen merzimde qaıtarýdy júzege asyrý qıynǵa soqty. EEK Keńesiniń sheshimimen merzimi 1 jylǵa aıǵa deıin uzartyldy bul shara 2020-2021 jyldar ishinde qoldanylatyn bolady. Otyrysqa qatysýshylar memlekettik (mýnıtsıpaldyq) satyp alý maqsattary úshin taýarlardyń jekelegen túrleriniń shyǵarylǵan elin aıqyndaý qaǵıdalarynyń jobasyn maquldady.

Qaǵıdalar bir múshe memlekettiń ónim berýshisi EAEO-nyń basqa eliniń memlekettik satyp alýyna qatysqan kezde taýarlardyń shyǵarylǵan elin aıqyndaý tártibin retteıtin bolady. Taýarlardyń osy talaptarǵa sáıkestigi belgilengen preferentsııalardy alýǵa jáne shekteýler men tyıym salýlarǵa ushyramaýǵa múmkindik beredi. Ereje aǵymdaǵy jyldyń sońynda bekitiletin bolady.

EEK keńesi jobanyń úlgilik baǵdarlamalyq qamtylymyn paıdalaný quqyǵyn, tehnıkalyq jáne paıdalaný qujattamasyn EAEO elderine ulttyq aqparattyq júıelerde óteýsiz negizde berý bóliginde «Shekarasyz jumys» izdestirýdiń birizdendirilgen júıesi» jobasynyń pasportyna ózgerister engizdi.

Jobanyń maqsaty EAEO elderiniń jumysqa ornalastyrý jáne jumyspen qamtý salasyndaǵy aqparattyq júıelerinde qamtylǵan bos jumys oryndary men bos jumys oryndaryn izdeýshiler týraly aqparatqa qol jetkizý úshin izdestirý júıesin qurý bolyp tabylady. Jobaǵa barlyq múshe memleketterdiń ulttyq júıeleri tartylǵan. Osy jobany iske asyrý EAEO azamattaryna EAEO-ǵa múshe memleketterdiń aýmaǵyndaǵy bos oryndar men túıindemelerge qol jetkizýge, sondaı-aq lıtsenzııalyq shartqa qol qoıylǵannan keıin ınteraktıvti ózara is-qımyl jasaýǵa múmkindik beredi.

Budan basqa, keńes músheleri Eýrazııalyq «bestik» elderinde tsıfrlyq kólik dálizderiniń ekojúıesin qalyptastyrý jáne iske qosý úshin servıster men tsıfrlyq ınfraqurylym tizbesin bekitti. EAEO tsıfrlyq kólik dálizderiniń ekojúıesi isker áriptesterge tıimdi qorǵalǵan ortada jetkizilimderdiń búkil tizbegi boıynsha logıstıkalyq aqparatpen almasýǵa kómektesýge, sondaı-aq elder ishindegi jáne halyqaralyq deńgeıdegi ýákiletti organdarmen zańdyq mańyzy bar elektrondyq ózara is-qımyldy qamtamasyz etýge arnalǵan. Ekojúıeni 2025 jylǵa qaraı qalyptastyrý josparlanýda.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT