Álıhan Smaıylov bıýdjet qarajatyn ıgere almaı jatqan mınıstrlikterdi atady

NUR-SULTAN. QazAqparat – Vedomstvolardyń ishinde bıýdjet qarajatyn ıgere almaı jatqandardyń basynda - Ulttyq ekonomıka mınıstrligi men Ulttyq qaýipsizdik komıteti tur.

Uqsas jańalyqtar

Áleýmettik jelilerde jalǵan valıýta satylyp jatyr - Stopfake

Qostanaı oblysynda byltyrǵy bıýdjettiń 3 mlrd teńgesi ıgerilmeı qalǵan Qazaqstandyqtar 2020 jyly qansha altyn quıma satyp aldy 2020 jyly jeńil ónerkásiptegi óndiris kólemi 15% ósti - mınıstrlik

Bul týraly Úkimet otyrysynda Premer-Mınıstrdiń orynbasary – Qarjy mınıstri Álıhan Smaıylov málim etti, dep habarlaıdy QazAqparat tilshisi.

Álıhan Smaıylovtyń aıtýynsha, jergilikti bıýdjetterdiń óz kiristeri 174 mlrd teńgege artyǵymen oryndalyp, 559 mlrd teńgeni qurap otyr. Barlyq óńirde kiristerdiń jospary artyǵymen oryndalǵan. Memlekettik bıýdjet shyǵystary 96,5 paıyzǵa, respýblıkalyq 97,1 paıyzǵa, jergilikti bıýdjetter 96,9 paıyzǵa atqarylǵan.

«Respýblıkalyq bıýdjet shyǵystary 2 trln 102 mlrd teńgeni qurady. Bıýdjet qarajaty 62 mlrd teńgege atqarylmady. Onyń 10 mlrd teńgesi – únemdelgen qarjy. Al ıgerilmegen soma 52 mlrd teńge. Bul ótken jyldyń uqsas kezeńimen salystyrǵanda 23 mlrd.teńgege tómen», - dedi ol.

Álıhan Smaıylov eń iri ıgerilmeý somalary kelesi Ulttyq ekonomıka (15,6 mlrd teńge), Ulttyq qaýipsizdik komıteti (8,3 mlrd teńge), Bilim jáne ǵylym (4,7 mlrd teńge), Ádilet (4,6 mlrd teńge), Mádenıet jáne sport (4,2 mlrd teńge), Іshki ister (3,3 mlrd teńge) mınıstrlikterinde qordalanǵanyn jetkizdi.