Alibaba saýda jelisinde Qazaqstannyń ulttyq platformasy ashyldy
2022 jylǵy 24 maýsym 12:14

Alibaba saýda jelisinde Qazaqstannyń ulttyq platformasy ashyldy

NUR-SULTAN. QazAqparat – Alibaba.com. saýda platformasynda Qazaqstannyń ulttyq pavılony ashyldy, dep habarlaıdy QazAqparat tilshisi.

B2B formatyndaǵy platformasynda eń iri álemdik platformada ashylǵan ulttyq pavılon qazaqstandyq óndirýshilerge óz ónimin ınternet arqyly kedergisiz satyp, jarnmalaýǵa múmkindik beredi.

Palıonnyń ashylýyna oraı Zoom-konferentsııa formatynda ótken jıynǵa QR Saýda jáne ıntegratsııa vıtse-mınıstri Qaırat Tórebaev, QazTrade AQ Bas dırektory Aazamat Asqaruly, Alibaba.com vıtse-prezıdenti Endrıý Jeng qatysty.

Vıtse-mınıstr Qaırat Tórebaev búgingi tańda elektrondyq kommertsııa qarqyndy damyp kele jatqanyn, Qazaqstannyń álemdik trendpen birge tynystaýǵa daıyn ekenin atap ótti. Onyń paıymynsha Alibaba kompanııasymen aradaǵy yntymaqtyń arqasynda qazaqstandyq kompanııalar óz ónimderin syrtqy naryqtarǵa jyljytý múmkidigin keńeıte alady.

«Alibaba» alańynda ulttyq pavılonnyń ashylýy sheteldik satyp alýshylar tarapynan Qazaqstan ónimderine joǵary suranys bar eknen rastady», - dedi vıtse-mınıstr.

Al «QazTrade» AQ bas dırektory Azamat Asqarulynyń aıtýynsha, otandyq kompanııalardyń ónimin marketpleıster arqyly tanytý tıimdiligin kórsetip otyr. Elektrondyq alańdarda saýda jasaı bastaǵan kompanııalardyń satý kórsetkishi jaqsara túsken.

Qazir Alibaba.com. bazasyndaǵy Qazaqstannyń ultty pavılonynda 130 qazaqstandyq kompanııa «altyn» mártebeli jetkizýshi retinde tirkelgen. Olar 7500-den astam taýardy ǵalamdyq platforma arqyly satyp otyr.

TMD men Eýrazııalyq ekonomıkalyq odaq elderiniń arasynda Qazaqstan Reseı Federatsııasynan keıin Alibaba.com alańynda palhvılonyn ashqan ekinshi el

Alibaba - aınalymy 106 mlrd dollar bolatyn, «B2B» formaty onlaın taýar satatýn platforma.

Eske salsaq, jyl basynda Qaztrade bıznesti qoldaýda eksporttyq akseleratsııa men marketpleısterge shyǵarýdy bastaıtynyn habarlaǵan bolatyn.


Jańalyqtar

Úrdis

MURAǴAT