+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Alǵys aıtý kúni qarsańynda Qaraǵandyda páter kiltteri tabystaldy

2020 jylǵy 28 aqpan 18:29
Bólisińiz:
Alǵys aıtý kúni qarsańynda Qaraǵandyda páter kiltteri tabystaldy

QARAǴANDY. QazAqparat - Alǵys aıtý kúni qarsańynda Qaraǵandy oblysynyń metsenattary keıbir otbasylarǵa turǵyn úı máselesin sheshýge kómektesti, dep habarlaıdy QazAqparat tilshisi.

Uqsas jańalyqtar
Qazaq halqynyń jaqsylyǵyn esten shyǵarǵan emespin - Larısa Aqsaqalova Altaı Kólginov kommýnaldyq qyzmetkerlerge eren eńbegi úshin alǵys aıtty Qazaq jerine kelgen qaı ulttyń da joly boldy – Elbrýs Tımaev

«Qazaqstan - dostyq pen beıbitshilik besigi» is-sharasy barysynda kiltter men syılyqtar tabys etildi. Oǵan oblys ákimi Jeńis Qasymbek, etnomádenı birlestikterdiń ókilderi, eriktiler, sportshylar jáne basqalary qatysty.

«Qurmetti jerlester, kóktem qarsańynda sizderdi osy tamasha merekemen quttyqtaǵym keledi. Tórt jyl buryn Tuńǵysh Prezıdent Nursultan Nazarbaevtyń bastamasymen osy tamasha kún atap ótiletin boldy. Bıylǵy jyly biz úlken oqıǵany toılaımyz - bul qazaqtyń uly oıshyly, aqyn Abaıdyń 175 jyldyǵy, Ekinshi dúnıejúzilik soǵystaǵy jeńiske 75 jyl. Búgin munda bizdiń ardagerler qatysyp jatyr, biz olarǵa jeńis úshin alǵys aıtamyz. Sondaı-aq, bıyl Qazaqstan halqy Assambleıasyna 25 jyl. Barlyqtaryńyzdy kele jatqan merekelerińizben quttyqtaımyn, barlyqtaryńyzǵa amandyq tileımin jáne alǵys bildiremin», - dedi Qaraǵandy oblysynyń ákimi.

Kásipker Bekzat Altynbekov Nur-Sultan bıznesmenderiniń atynan #Jaqsylyqjasapjarysaıyq chelendjin qabyldady jáne jalǵyz ózi eki bala tárbıelep otyrǵan І toptaǵy múgedek Araılym Aldamqulovaǵa páter kiltin tabys etti.

«Men bul estafetany Nur-Sultan kásipkerlerinen qabyldadym. Bul chellendj muqtajdarǵa páter berýdi kózdeıdi. Qazaqstanda árbir otbasynyń óz baspanasy bolýy tıis. Biz, metsenattar men kásipkerler buǵan kómektesýimiz kerek. Bul bizdiń qoǵam aldyndaǵy boryshymyz. Men osy chellendjge qýana qatysamyn. Al Alǵys aıtý kúni qarsańynda Jezqazǵannan jalǵyz basty anaǵa eki bólmeli páterdiń kiltin tapsyrǵym keledi. Jáne bul chellendjdi Balqashtan kelgen kásipkerlerge jiberemin», - deıdi Bekzat Altynbekov.

«Men osyndaı kúni turǵyn úı ıesi bolǵanyma óte qýanyshtymyn. Kóp jyl boıy páter jaldap, jalǵyz ózim eki balany tárbıeleýdemin. Biraq endi bizde óz úıimiz paıda boldy», - dep óz qýanyshymen bólisti Araılym Aldamqulova.

Sonymen qatar merekede «KKK «Injınırıng« JShS dırektory Aleksandr Kık Qazaqstan Respýblıkasynyń eńbek sińirgen sport sheberi Abylaıhan Júsipovke bir bólmeli páterdiń kiltin tabys etti. Al sharýa qojalyǵynyń basshysy Qazaqstan halqy Assambleıasynyń múshesi Shamıl Osın sportshyǵa Turmystyq tehnıka satyp alýǵa 700 myń teńgege sertıfıkat tapsyrdy.

QHA atynan «Vaınah« oblystyq sheshen-ıngýsh ulttyq-mádenı ortalyǵynyń tóraǵasy Ývaıs Djanaev quttyqtap, Balalar úıiniń tárbıelenýshisi Elızaveta Sedyshevaǵa Qazaq ulttyq mýzykalyq aspabyn syılady.

«HH ǵasyrdyń ortasynda ondaǵan halyq qazaq dalasyna kúshtep jer aýdaryldy. Osy qıyn-qystaý zamannan ótkender qazaqtardyń gýmanızmi, janashyrlyǵy týraly aıtady. Osy kómektiń arqasynda bizdiń ata-babamyz aman qaldy, búgin ósip, jańa urpaq tárbıelenýde. Osyndaı mereke qarsańynda biz Elızaveta Sedyshevaǵa QHA músheleriniń atynan syılyq - Qazaq ulttyq aspaby - qobyz syılaǵymyz keledi. Ol týraly kópten beri armandaıtynyn bilemiz», - dedi Ývaıs Djanaev.

Shara sońynda Slambek Táýekeldiń «Jeruıyq» kórkem fılmi kórsetildi.

Bul týyndy Taıaý Shyǵystan, Kavkazdan, Povoljıa elderinen qazaq jerine kúshtep jer aýdarǵan halyqtardyń qıyn-qystaý kezeńin beıneleıdi.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT