+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Áleýmettik jelidegi ádemi dinı sózderdiń artynda jasyryn nasıhat bolýy múmkin

2019 jylǵy 10 qazan 18:51
Bólisińiz:
Áleýmettik jelidegi ádemi dinı sózderdiń artynda jasyryn nasıhat bolýy múmkin

ALMATY. QazAqparat – Áleýmettik jelide jarııalanǵan ádemi quranı sózderdiń artynda jasyryn nasıhat bolýy múmkin. Osyndaı oıyn Almaty gýmanıtarlyq kolledjiniń stýdentterine dintanýshy, magıstr Nurmuhammed Meımanqoja jetkizdi, dep habarlaıdy QazAqparat tilshisi.

Uqsas jańalyqtar
Dintaný biliminiń ózektiligi zor Destrýktıvti aǵymǵa tartatyn adamnyń psıhologııalyq portreti qandaı Professor: Dinniń saıasılanýy memlekettik saıasattyń belsendiligin qajet etedi

Bul kezdesýge gýmanıtarlyq kolledjde bilim alyp jatqan 45 stýdent qyz qatysty. Spıker dindegi qyz balalarǵa qatysty máselelerdi aıtty.

«Jastar destrýktıvti aǵymdarǵa ermes úshin ne isteýi kerek? Ǵalamtordaǵy aqparatqa abaı bolýy kerek. Islam dinin maqtap jazatyn naqyl sózder, hadıster jazylǵan keremet akkaýnttar bolýy múmkin. Adamdar syrly sózge qyzyǵyp kiredi. Basynda mátinde eshqandaı kúdik týǵyzar dúnıe bolmaýy múmkin. Biraq keıin destrýktıvti aǵym saıttaryna, aqparattyq resýrstarǵa siltemeler paıda bolady. Bylaısha aıtqanda, jasyryn nasıhat júrgiziledi. Al mundaı aqparattyq shabýylǵa jastar tótep bere almaıdy. Sol úshin din máseleleri boıynsha kóp málimet alýdyń keregi joq», - dedi Nurmuhammed Meımanqoja.

Sońǵy málimetterge sensek, Sırııaǵa Qazaqstannan 800-ge jýyq adam ketken. Búginde «Jýsan» operatsııasynyń kómegimen 595 adam qaıtaryldy.

Onyń aıtýynsha, jat elge ketkender úshin Otan degen uǵym qundylyq bolmaı qalady.

«Tólqujatyn alyp, kindik qany tamǵan jerin tárk etip, halıfattan pana izdegenderdiń ishki dúnıesinde qandaı motıv bolýy múmkin? Bul mıgratsııa otbasy qundylyǵynyń túkke turmaıtynyn kórsetti. Sonymen qatar er azamattardyń otbasyn saqtaý, áıeldiń qorǵany bolý jáne balalarynyń ómirine jaýapty ekenderin esterinen shyǵarýlary asa qatty oılandyratyn másele bolýy tıis. Kóp jaǵdaıda Sırııaǵa ketken áıel zaty óz basyn qaýipke tigip, kúıeýleriniń sońynan ketken. Bul jaǵdaıda ásirese japa shekkender – balalar. Olardyń taǵdyry, jat jerde jazyqsyz kóz jumǵan balalardyń ólimi – ata-anasynyń jaýapkershiliginde», - dedi spıker.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT