Áleýmettik nysandardyń derbes qazandyqtaryn gazǵa qosý qarajatty 3 ese únemdeıdi – elorda ákimdigi
2022 jylǵy 17 tamyz 12:20

Áleýmettik nysandardyń derbes qazandyqtaryn gazǵa qosý qarajatty 3 ese únemdeıdi – elorda ákimdigi

NUR-SULTAN. QazAqparat – Elordadaǵy 20 áleýmettik nysannyń derbes jylý qazandyǵyn gazǵa qosý bıýdjet qarajatyn 3 ese únemdeıdi. Bul týraly Nur-Sultan qalalyq otyn-energetıkalyq kesheni jáne kommýnaldyq sharýashylyq basqarmasy otyn-energetıkalyq resýrstar bóliminiń basshysy Maqsat Esmaǵulov aıtty, dep habarlaıdy QazAqparat tilshisi.

«Turǵyn úı alaptarynda ornalasqan mektepterde, balabaqshalarda, aýrýhanalarda derbes jylý qazandyqtary bar. Olar ortalyqtandyrylǵan jylý jelisine qosylmaǵandyqtan, derbes qazandyqtarmen jylytylatyn. ıAǵnı, qazandyqtar dızel otynymen jumys isteıtin. Qazirgi ýaqytta 20 nysandy gazǵa aýystyrý jobasy aıaqtaldy. Endi olardy birte-birte gazǵa qosý jumysy bastaldy. Búginde 5 nysannyń qazandyǵy gazǵa aýystyryldy. Kelesi jylý maýsymyna deıin olardyń bárin gazǵa qosamyz», - dedi ol elorda ákimdiginde ótken baspasóz máslıhatynda.

Onyń aıtýynsha, atalǵan nysandardyń jylý qazandyqtaryn gazǵa qosý qalanyń ekologııalyq jaǵdaıyn jaqsarta túsedi.

«Sonymen qatar bıýdjet jaǵynan da tıimdi. Buǵan deıin dızel otynyn alý úshin qomaqty qarajat jumsalatyn. Gazǵa qosylǵannan keıin qarajat úsh ese únemdeledi», - dedi Maqsat Esmaǵulov.


Foto: legalhub.online




Uqsas jańalyqtar
Seriktester jańalyqtary

Jańalyqtar

Úrdis

MURAǴAT