+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Áleýmettik nysandardy jylýmen qamtýda eshqandaı problema bolmaıdy - vıtse-mınıstr

2019 jylǵy 19 qyrkúıek 19:20
Bólisińiz:
Áleýmettik nysandardy jylýmen qamtýda eshqandaı problema bolmaıdy - vıtse-mınıstr

NUR-SULTAN. QazAqparat - Búgin QR Úkimetiniń baspasóz ortalyǵynda ótken baspasóz konferentsııasynda QR Energetıka vıtse-mınıstri Suńǵat Esimhanov elektr jelilerin jańǵyrtý jáne jylytý maýsymyna daıyndyq jumystary týraly aıtyp berdi, dep habarlaıdy primeminister.kz.

Onyń aıtýynsha, Qazaqstanda elektr jelilerin jańǵyrtý shtattyq rejımde júrgizilip jatyr.

«Barlyq jetekshi uıymdar tabıǵı monopolııalar sýbektileri bolyp tabylady jáne olardy Tabıǵı monopolııalar komıteti retteıdi, sondyqtan bekitilgen ınvestıtsııalyq baǵdarlamalary bar tıisti ortasha merzimdi tarıfter bar. Sondyqtan tarıf arqyly aıtarlyqtaı mańyzdy jańǵyrtý jumystary júrgizilip jatyr, sonymen qatar jergilikti atqarýshy organdardyń esebinen salynyp jatqan jańa qurylys bar. Sondaı-aq, iri qalalardyń mańyndaǵy mekenderde memleket jańa elektr jelileriniń qurylysyn qarjylandyrady, bul turǵydan baqylaý jasalǵan», — dedi energetıka vıtse-mınıstri.

Sonymen birge, S. Esimhanov búginde 428 qazandyq jóndeýden ótkenin, bul jyldyq jospardyń 93 paıyzyn quraıtynyn aıtty.

«Bizdiń elimizde mektepter men aýrýhanalarda avtonomdy qazandyqtar óte kóp, sondyqtan jylýmen qamtamasyz etýde problemalar bolmaıdy. Sondaı-aq, qaýipsizdik sharalary boıynsha qazandyqtar bólek turýy úshin olardy jertóleden shyǵarý jumystary júrgizilip jatyr», — dedi vıtse-mınıstr.

Sonymen qatar, S. Esimhanov jylý jelileriniń temperatýralyq kesteleri Energetıka mınıstrligi men Energetıkalyq qadaǵalaý komıtetiniń saıttarynda jarııalanǵanyn atap ótti. Atalǵan kesteler saqtalmaǵan jaǵdaıda, eń aldymen, temperatýralyq jaǵdaıdy qamtamasyz etetin jylý berýshi uıymdarmen baılanys ornatý qajet. Ákimdikpen birge qajetti oryndarǵa baryp, sebepterin anyqtaıtyn komıssııalar qurylady.

«Mundaı júginýler bizdiń Energetıkalyq qadaǵalaý komıtetimizge de kelip jatady. Ondaı kezde bizdiń aýmaqtyq departamentterimiz dereý máseleni anyqtaýǵa barady. Sondyqtan da aýmaqtyq energetıkalyq qadaǵalaý departamentterine qosymsha habarlasýǵa bolady. Barlyq málimetter men koordınattar saıtta jarııalanǵan», — dedi vıtse-mınıstr.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT