Áleýmettik mańyzy bar azyq-túlik pen kómir baǵasyn qadaǵalaıtyn joba iske qosyldy
2022 jylǵy 28 sáýir 17:57

Áleýmettik mańyzy bar azyq-túlik pen kómir baǵasyn qadaǵalaıtyn joba iske qosyldy

NUR-SULTAN. QazAqparat - Memlekettik kirister komıteti áleýmettik mańyzy bar azyq-túlik taýarlary jáne tas kómirdi baqylaıtyn pılottyq jobany iske qosty, dep habarlaıdy QazAqparat.

Onyń qatysýshylary arnaıy aqparattyq júıedegi elektrondyq shot-faktýrany jazyp berýi tıis.

«Inflıatsııanyń ósýine, azyq-túlik ónimderi men munaı ónimderi baǵasynyń ósýine jol bermeý jónindegi sharalar aıasynda Premer-Mınıstrdiń orynbasary – Qarjy mınıstriniń buıryǵy bekitilgen. Osy buıryqpen bıylǵy 31 jeltoqsanǵa deıin tizbege sáıkes áleýmettik mańyzy bar taýarlar men kómirdi ótkizý kezinde elektrondyq shot-faktýralardy (EShF) jazyp berý boıynsha salyq tóleýshilerdiń mindetin engizý bóliginde pılottyq jobany iske asyrý kózdelegen. Sonymen birge, joǵaryda kórsetilgen taýarlardy bólshek saýdada ótkizýdi júzege asyrý kezinde jeke tulǵalarǵa EShF jazyp berý talap etilmeıdi», - dep málimdedi vedomstvodan.

Aıta keteıik, áleýmettik mańyzy bar azyq-túlik taýarlarynyń tizbesine mynalar jatady: birinshi sortty bıdaı uny; birinshi sortty unnan jasalǵan bıdaı nany; rojkı; qaraqumyq jarmasy; tazartylǵan kúrish; kartop, ashanalyq sábiz, basty pııaz, aq qaýdandy qyryqqabat; aq qant – qumsheker; kúnbaǵys maıy; sıyr eti; taýyq eti; maılylyǵy 2,5% pasterlengen sút; maılylyǵy 2,5% aıran; sary maı; taýyq jumyrtqasy; ac tuzy; maılylyǵy 5-9% súzbe.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT