Jańalyqtar  >

Áleýmettik kómirdi banktiń mobıldi qosymshasy arqyly satyp alýǵa bolady

2022 jylǵy 3 qazan, 17:10
Áleýmettik kómirdi banktiń mobıldi qosymshasy arqyly satyp alýǵa bolady

ASTANA. QazAqparat - QR Indýstrııa jáne ınfraqurylymdyq damý mınıstrligi ekinshi deńgeıli banktermen birlesip, áleýmettik kómirdi birqatar qarjy jáne saýda uıymdarynyń mobıldik qosymshalary arqyly satýdy uıymdastyrý boıynsha jumys júrgizýde.

QR Indýstrııa jáne ınfraqurylymdyq damý mınıstrligi baspasóz qyzmetiniń habarlaýynsha, búgin Halyk Bank-pen birlesip, pılottyq rejımde Halyk Market-te «Kaz Inter Kómir» JShS-niń qatty otynyn satý iske qosyldy. Bul kásiporyn Qostanaı oblysynyń 10 aýdanyn kómirmen qamtyp otyrǵan óńirlik operator bolyp tabylady.

Mobıldi qosymsha arqyly satý núktesin, kómirdiń qajetti markasyn jáne kólemin tańdaý múmkindigi bar. Sonymen birge onlaın tólem jasap, taýardy 3 aıdan 6 aıǵa deıin bólip tóleýge bolady.

Atalǵan zamanaýı sheshim qatty otyndy tikeleı jáne kezeksiz satyp alýǵa, sondaı-aq halyqtyń jylytý maýsymyna daıyndyǵyn aıtarlyqtaı jeńildetýge múmkindik beredi.

Tıisti jumystar basqa da óńirlerde júrgiziletin bolady. Qazirgi ýaqytta atalǵan platformaǵa Almaty qalasyndaǵy kómir operatory da qosylýda.


Uqsas jańalyqtar
Seriktester jańalyqtary

Jańalyqtar