Álemniń 33 elinde balalarǵa jedel juǵatyn belgisiz gepatıt anyqtaldy
2022 jylǵy 29 mamyr 09:16

Álemniń 33 elinde balalarǵa jedel juǵatyn belgisiz gepatıt anyqtaldy

NUR-SULTAN. QazAqparat - Bul belgisiz gepatıtten 650-ge jýyq bala zardap shegip úlgergen. Infektsııanyń eń kóbi Ulybrıtanııa men AQSh-ta tirkeldi, dep habarlaıdy QazAqparat tilshisi dw.com saıtyna silteme jasap.

Sáýir aıynyń basynan taraı bastaǵan belgisiz gepatıt 33 eldegi 650 baladan anyqtaldy. Eń kóp juqtyrǵan jetkinshekter Ulybrıtanııada turady (222) jáne AQSh-ta (216).

Dúnıejúzilik densaýlyq saqtaý uıymynyń habarlaýynsha, Tynyq muhıtynyń batys bóligi, Ońtústik-Shyǵys Azııa jáne Shyǵys Jerorta teńizi elderi de jańa gepatıtten zardap shekken. Infektsııa Argentına, Avstrııa, Belgııa, Bolgarııa, Kanada, Kıpr, Danııa, Frantsııa, Gretsııa, Indonezııa, Irlandııa, Izraıl, Italııa, Japonııa, Maldıv, Meksıka, Moldova, Nıderlandy, Norvegııa, Palestına avtonomııasy, Panama, Polsha, Portýgalııa, Ońtústik Koreıa, Rýmynııa, Serbııa, Sıngapýr, Slovakııa, Slovenııa, Ispanııa jáne Shvetsııa elderinde baıqalǵan.

Germanııa men Reseıde jańa gepatıt jaǵdaılary áli anyqtalǵan joq. EO elderinde 75-ten astam ınfektsııa bes jasqa deıingi balalarda kezdesken. DDU habarlamasynda bul balalardyń baýyrynyń damý baıaýlyǵynan ekeni aıtylǵan. Jaǵdaılardyń 6 paıyzynda balalarǵa baýyr transplantatsııasy qajet boldy, 9 búldirshin kóz jumdy.

Sonymen qatar, mamandar ınfektsııanyń kózi men qozdyrǵyshtyń juǵý ádisterin áli naqty anyqtaı almaı jatyr. Alaıda, keıbir naýqastardan adenovırýs pen koronavırýs belgileri bar.

«Gepatıt osy vırýstardan keıin asqyný retinde paıda bolady» degen derekter de joq emes. DDU bul gıpotezany zertteýdi jalǵastyrýda. Dárigerler belgisiz gepatıt pen ınfektsııanyń alǵashqy jaǵdaılaryn sáýir aıynyń basynda anyqtady.

5 sáýirge deıin DDU Ortalyq Shotlandııadaǵy balalardyń naýqastanýynyń on deregin, 8 sáýirge deıin búkil Ulybrıtanııada 74 jaǵdaı tirkelgenin bildi. 23 sáýirde DDU bir aıda 16 jasqa deıingi balalarda 169 ınfektsııa juqtyrý deregin málimdedi. Osy jaǵdaılardyń eshqaısysynan ǵalymdar A, V, S, D jáne E gepatıtteriniń belgili vırýstaryn tappady.


Uqsas jańalyqtar
Avtor:
Tilshi

Jańalyqtar

MURAǴAT