Álemniń 110 elinde koronavırýstyń taralý kórsetkishi ósti
2022 jylǵy 30 maýsym 22:24

Álemniń 110 elinde koronavırýstyń taralý kórsetkishi ósti

NUR-SULTAN. QazAqparat - Álemniń 110 elinde koronavırýs indeti ósken. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.

Dúnıejúzilik densaýlyq saqtaý uıymynyń (DDU) bas dırektory Tedros Adan Gebreııýs búkil álemde koronavırýs ınfektsııasyn juqtyrý kórsetkishteriniń joǵarylaı túskenin, 110 elde ınfektsııanyń ósýi baıqalǵanyn aıtty.

Onyń sózine qaraǵanda, omıkron shtamdarynyń BA.4 jáne VA.5 túrleriniń taralý áserinen jaǵdaı 110 memlekette kúrdelenip otyrǵanyn, pandemııa aıaqtalǵan joq.

«Júzdegen mıllıon adamdar, sonyń ishinde densaýlyq saqtaý qyzmetkerleri men tabysy tómen elderdegi qarttar vaktsınalaýdan qalys qalýda, bul olardy vırýstyń bolashaq tolqyndaryna osal etedi», — dedi DDU basshysy.

Sondaı-aq ol búkil álemde COVID-19 aýrýy 20% - ǵa óskenin, al DDU qatysatyn aımaqtardyń jartysynda koronavırýs saldarynan bolatyn ólim-jitim sanynyń da kóbeıgenin atap ótti.

Foto: Getty Images/Harald Tittel
Uqsas jańalyqtar

Jańalyqtar

Úrdis

MURAǴAT